Bakı/23.09.10/Turan: Sentyabrın 23-də azərbaycanlı alpinist İsrafil Aşurlu Himalayın Manaslu səkkizminliyinin (8156 m.) ətəyindəki baza düşərgəsindən çıxaraq zirvəyə döğru qalxmağa başlayıb.
Beynəlxalq ekspedisiyanın iştirakçıları bir ay ərzində zirvəyə qalxma marşrutunu hazırlayıblar, ona doğru yolda üç düşərgə qurublar.
İ.Aşurlu baza düşərgəsindən 2-ci, sonra isə 3-cü düşərgəyə qalxacaq və orada gecələyəcək.
Sentyabrın 25-26-da oradan zirvəyə doğru qalxma planlaşdırılır.
Alpinist Turan agentliyinə bildirib ki, son günlər Manaslu ərazisində qar yağıb ki, bu da böyük uçquna səbəb olub.
Ötən gün hava yaxşılaşıb və alpinistlər ümid edirlər ki, kifayət qədər akklimatizasiya və stabil hava zirvəyə müəyyən olunmuş vaxtda çatmağa imkan verəcək.
İ.Aşurlu oksigendən və şerplərin yardımından istifadə etmədən zirvəyə qalxmaq niyyətindədir.
"Yumruqlarınızı sıxın və yaxşı hava arzulayın", - İ.Aşurlu Facebook səhifəsində yazıb.
* İsrail Aşurlu Evereset zirvəsini (8848 m.) fəth edən yeganə azərbaycanlı alpinistdir. O, Azərbaycan Alpinist Klubunun təsisçisidir. Əvvəlki illərdə Azərbaycan Alpinizm Federasiyasına rəhbərlik edib. -02B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz