Azərbaycanlı alpinistlər Himalaya gedir
Aprelin 4-də Azərbaycan alpinistləri İsrafil Aşurlı və Firuz Dadaşov Nepalın paytaxtı Katmanduya yola düşəcəklər. Alpinistlər Himalay dağlarının Şişabanqma (8027 m. başqa adları Şişa-Panqma və ya Qosaintan) zirvəsini fəth etməyi planlaşdırırlar.
Azərbaycan Alpinizm Federasiyasından Turan-a verilən məlumata görə, ekspedisiyanın müddəti təxminən 1,5 aydır.
Alpinistlər süni oksigendən istifadə etməyəcəklər və marşrutla qalxan zaman şerpaların (yüksəklikdə çalışan yükdaşıyanların) xidmətindən də istifadə etmək fikrində deyillər. Zirvəyə qalxma idman üslubunda keçiriləcək.
İsrafil Aşurlı Himalayın Everest (8848 m.) və Kançenjanqa (8586 m.) kimi səkkizminlik zirvələrinin fatehi, “Qar bəbiri” titulunun sahibidir. 15 il ərzində dünyanın Antarktida və Arktika daxil bütün kontinentlərində 58 uğurlu ekspedisiya həyata keçirib.
Firuz Dadaşov Respublika Alpinist-Turist Klubunun idmançısı, Azərbaycanın yığma komandasının üzvüdür. Mərkəzi Asiyanın 7000 m.-dən hündür olan beş zirvəsindən dördünü fəth edib, Gürcüstan və Azərbaycan dağlarında uğurlu ekspedisiyalar keçirib.
Şişa-Panqma və ya Qosaintan Tibet (Çin) ərazisində yerləşir. Odur ki, bizim alpinistlər Katmanduda viza alaraq Tibetə gedəcəklər.
“Bu səkkizminlik ilk dəfə 1964-cü ildə fəth edilib. İndiyədək dağda 21 alpinist həlak olub. Səkkizminliklərə marşrut asan olmur. Biz yeni yüksəklikdə Azərbaycanın bayrağını qaldırmaqdan və Alpinizm Federasiyasının tarixçəsinə növbəti nailiyyəti yazmaqdan qurur duyacağıq”, - F.Dadaşov Turan-a bildirib.02В-
-
- İqtisadiyyat
- 3 Aprel 2014 13:57
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz