![Azərbaycan standartları Avropa səviyyəsinə qaldırmağa çalışır](https://turan.az/resized/750/500/resize/media/2014/main/040300074257.jpg)
Azərbaycan standartları Avropa səviyyəsinə qaldırmağa çalışır
Ölkə rəhbərliyi yerli standartları Avropa səviyyəsinə qaldırmağa çalışır.
«Azərbaycanda müasir standartlaşdırma və texniki tənzimləmə sisteminin inkişafına dəstək” Twinning layihəsinin təqdimatında Standartlaşdırma,Metrologiya və Patent uzrə Dövlət Komitəsinin rəhbəri Ramiz Həsənov deyib ki, məqsəd qanunvericiliyin təkmilləşdirilməsi, elmi-texniki bazanın gücləndirilməsi və vahid informasiya sisteminin yaradılmasıdır.
Avropa İttifaqının Azərbaycandakı nümayəndəliyinin rəhbəri Malena Mard bilidirib ki, layihəyə 1,2 mln avro ayrılıb. Rezidend isə Riçard Vitti olacaq. Tərəfdaşlar Britaniya Standartlar İnstitutu, Fransa Standartlaşdırma Assosiyasiyası, Sloveniya Metrologiya İnstitutudur. Layihənin təşəbbüsçüsü Azərbaycan tərəfidir. İş başlayandan Aİ təmsilçiliyi Azərbaycana 26 layihə üzrə 15 mln avro ayırıb.
İqtisadçı Qubad İbadoğlu Turan-a bildirib ki, Azərbaycan 15 ildir Aİ ilə ticari əlaqələri genişləndirmək üçüm hüquqi və maddi-texniki bazasını modernləşdirir. Amma standartlaşma və gömrük sistemində nöqsanlar ÜTT-yə daxil olmağa imkan vermir.
Bu sahədə bir sıra qanunlar beynəlxalq standartlara cavab vermir. İnvestorlar məqbul biznes mühiti, azad sahibkarlıq olan ölkələrə meyl edir. Azərbaycan hələ hesabatlar verməklə kifayətlənir. Müvafiq rəqabət mühiti yaradılmadan beynəlxalq ictimaiyyətdə etimad yaratmaq mümkün olmayacaq, deyə o qeyd edib.
Rəqabət Məcəlləsinin qəbul edilməsi, insan haqlarına əməl edilməsi, QHT-lərə hörmət tam əməkdaşlıq üçün şərtlərdəndir, deyə iqtisadçı bildirib.
Avropa İttifaqı Azərbaycanın ən iri ticari tərəfdaşıdır. Amma əməkdaşlıq potensialından tam istifadəe dilmir, enerji layihələri ilə kifayətlənirik. Bundan başqa, viza rejiminin asanlaşdırılması da mühümdür, deyə ekspert əlavə edib.
2013-cü ildə Aİ ilə Azərbaycan arasında əmtəə dövriyyəsi $15 mlrd 276,18 mln, ixrac 75,4% olub. Əmtəə dövriyyəsinin piki 2011-ci ildə olub - $18 mlrd 923,66 mln.
Aİ ilə Azərbaycan arasında əməkdaşlıq sazişi 22 aprel 1996-cı ildə imzalanıb. 2004-cü ilin iyununda AR Şərq Tərəfdaşlığı proqramına daxil olub və bu çərçivədə maliyyə və iqtisadi dəstək alır. Proqram çərçivəsində parlament komitəsi fəaliyyət göstərir. Perspektivdə Azərbaycanın Aİ-yə daxil olması mümkün sayılır. --17D—
-
- Cəmiyyət
- 3 Aprel 2014 13:07
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz