![Tarif Şurası: Azərbaycana idxal edilən avro-5 benizini dövlət tərəfindən tənzimlənən mallar siyahısına daxil deyil](https://turan.az/resized/./turan-750-500-resize.webp)
- İqtisadiyyat
- 3 Aprel 2014, 14:19
- 35
Tarif Şurası: Azərbaycana idxal edilən avro-5 benizini dövlət tərəfindən tənzimlənən mallar siyahısına daxil deyil
Azərbaycan hökumətinin 31 mart 2014-cü il tarixli qərarı ilə ölkəyə idxal edilən 95 və yüksək oktan ədədli, avro-5 standartına uyğun avtomobil benizini dövlət tərəfindən tənzimlənən mallar siyahısına daxil edilmir, deyə Tarif Şurasının məlumatında bildirilir.
Məlumatda qeyd edilir ki, 2014-cü ilin fevralında Nazirlər Kabineti ölkyə idxal edilən AI-95 və AI-98 markalı benzinin aksizinin azaldılması və gömrük rüsumunun sıfırlanması barədə qərar qəbul edib.
"Bütün bunlar yüksək avro standartlara cavab verən avtomobil benzininin ("Premium Avro-95" və "Super Avro-98") nisbətən aşağı qiymətlərlə ölkəyə idxalına və sərbəst qiymətlərlə satışına imkan verir. Bu isə ölkədə avtomobil benzininə artan tələbatın tam ödənilməsi və daxili bazarın yüksək ekoloji normalara cavab verən yanacaq məhsulları ilə təminatına şərait yaradır", deyə məlumatda bildirilir.
Bundan başqa, qeyd olunur ki, ümumilikdə 95 və daha yüksək oktanlı avtomobil benzinlərinin ölkədaxili istehlakda payı təqribən 10% təşkil edir və bu yüksək oktanlı benzinlərdən istehsal və xidmət sahələrində demək olar ki, istifadə olunmur.
İndiyə qədər ölkəyə «Premium Euro -95» və «Super Euro-98» markalı benzin gətirilmirdi.
Bu benzinlərə qiyməti idxalçılar müəyyən edir.
* Dövlətstatkoma görə, 2013-cü ildə 179,8 ton və ya 3 sistern Aİ-98 (cəmi 3 min çən, bu isə gündə 8 avtomobil çəni edir) istifadə edilib.
** ARDNŞ-nin 2012-ci il üçün hesabatına əsasən, avtomobil benzini istehsalında Aİ-95-in payı 4,7% olub. —12В--
-
- İqtisadiyyat
- 3 Aprel 2014 13:57
-
- Cəmiyyət
- 3 Aprel 2014 14:40
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz