Bakı/15.08.10/Turan: İtaliya vizası ilə Almaniyaya gəlmiş Hüseyn adlı azərbaycanlı deportasiyaya etiraz əlaməti olaraq hər iki qolunu kəsib. Bu barədə "Meydan TV"yə AFR-də fəaliyyət göstərən "Legat" İnteqrasiya Mərkəzinin Əlövsət Əliyev bildirib.
İki ay əvvəl Almaniyaya gəlmiş Hüseyn (soyadı hələlik məlum deyil) İbbenburen şəhərinə yerləşdirilib. Dublin sazişinə əsasən, o, İtaliyaya deportasiya olunmalı idi. Qayıtmaq istəməyən azərbaycanlı avqustun 15-də polis əməkdaşları onu aparmağa gələndə qollarını kəsib. O, xəstəxanaya yerləşdirilib.
Hüseyn Azərbaycanın Kəlbəcər rayonunda dünyaya gəlib, ailəlidir, iki azyaşlı uşağı var. "Legat" mərkəzinin məlumatına görə, Miqrasiya və Qaçqınlarla iş üzrə Federal İdarəyə (BAMF) müraciət edən həmin 999 azərbaycanlıdan 706 nəfəri ilk dəfə, 293 nəfəri isə təkrar ərizə ilə müraciət edən şəxslərdir.
2019-cu ilin 6 ayı ərzində qaçqın statusu üçün müraciətlər üzrə 1400 qərar qəbul edilib. Onlardan 6 nəfərinin sığınacaq haqqında ərizəsi üzrə müsbət cavab, 46 nəfərə qaçqın statusu verilib. Mərkəz bildirir ki, 6 ay ərzində cəmi 74 nəfərin müraciəti üzrə BAMF müsbət qərar qəbul edib. Onlara Almaniyada müvəqqəti yaşayış icazəsi verib. 768 nəfərin qaçqın statusu haqqında müraciətinə isə rədd cavabı verilib.
Bu yaxınlarda azərbaycanlı Humay Məmmədova deportasiya təhdidi ilə əlaqədar intihar edib. Onun 9 yaşlı qızı qalıb. Daha iki qadın intihar etməyə çalışıb, amma onlar xilas edilib.
"Legat" mərkəzinin məlumatına görə, son üç ayda 7 nəfər deportasiya ilə əlaqədar özünə qəsd edib.
Bir çox miqrantlar Avropada yaşamaq üçün sttus verilməsini vəd edərək onları aldadan turizm firmalarının qurbanı olurlar.
Ötən il iyunun 18-də 51 azərbaycanlı Almaniyadan deportasiya olunub. -06D-
Cəmiyyət
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
Rəy yaz