İranda həbsdə saxlanılan Azərbaycan şairlər Fərid Hüseyn və Şəhriyar Hacızadənin valideynləri çərşənbə axşamı onların işini aparan məhkəmə hakimi ilə görüşüblər.
Xarici İşlər Nazirliyinin mətbuat katibi Elman Abdullayevin BBC Azərbaycan-a deyib ki, şairlərin valideynlərini görüşdə Azərbaycanın Təbrizdəki Baş Konsulluğunun nümayəndəsi müşaiyət edib:
“Bu günə kimi şairlərə rəsmi ittiham təqdim olunmayıb və görüşdə onların yaxınları qərarın hansı səbəbdən gecikdirildiyi ilə bağlı maraqlanıblar. Hakim iş üzrə dəqiqləşdirmələr aparıldığını desə də, məhkəmə qərarının veriləcəyi günün hələlik məlum olmadığını deyib”.
Abdullayevin sözlərinə görə, “avqustu 9-da keçirilən məhkəmədə hakim rəsmi ittihamın nə olduğunu açıqlamadan prosesi bağlayıb və qərarın 7 gün ərzində veriləcəyi deyilmişdi”:
“İranda hüquq sistemində qərar Azərbaycandakı kimi məhkəmə prosesində verilmir. Ona görə qərar açıqlanan zaman vətəndaşlarımızın rəsmi olaraq nədə ittiham olunduqları bilinəcək”.
Qeyd edək ki, şairlərin yaxınları Fərid Hüseyn və Şəhriyar Hacızadənin özləri ilə də görüşüblər.
Fərid Hüseyn və Şəhriyar Hacızadə İrana şeir festivalında iştirak üçün gediblər və mayın 2-də orada həbs olunublar. -0-
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz