![Bakıda 72 yeni parkinq tikiləcək](https://turan.az/resized/750/500/resize/media/2014/main/061400081503.jpg)
Bakıda 72 yeni parkinq tikiləcək
Yaxın illərdə ölkə paytaxtında 72 parklanma ərazisinin tikintisi planlaşdırılır. Bu məqsədlə Nəqliyyat Nazirliyi müvafiq plan hazırlayıb. Bu barədə Nəqliyyat Nazirliyinin nümayəndəsi Heydər Turabov 2-ci Xəzər Beynəlxalq “Yol və yeraltı infrastruktur–urbanizasiya problemlərinin həlli yolları” mövzusunda keçirilən konfransda bildirib.
Plana görə, paytaxt ərazisi üç parkinq zonasına bölünüb və hər zona üçün optimal parklanma növləri və yerləri müəyyənləşdirilib.
Şəhərin mərkəzi hissəsi tarixi abidələrlə zəngin olduğundan burada əsasən yeraltı parkinqlərə üstünlük verilir. Digər zonalarda isə yeraltı və yerüstü parkinqlər inşa ediləcək.
Tikintinin müddəti və parkinqlərin dəqiq dislokasiyası barədə açıqlama verilməyib. H.Turabov qeyd edib ki, bu parkinqlər nəqliyyat tıxaclarını aradan qaldırmalı, paytaxtın nəqliyyat təminatının yaxşılaşdırılmasını təmin edəcək.
Hazırda Bakının mərkəzində iki böyük yeraltı parkinq var.
Paytaxt əhalisinin sayı 2 mln. nəfəri ötür, müxtəlif hesablamalara görə, avtomomobilərin sayı 200-400 min arasındadır.-02D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz