![Rayon məmuru jurnalisti həbs etdirmək istəyir](https://turan.az/resized/media/2014/main/061400081507-750-500-resize.webp)
Rayon məmuru jurnalisti həbs etdirmək istəyir
“Gunxeber.com” saytının redaktoru və “Yeni Müsavat” qəzetinin əməkdaşı Zabil Müqabiloğluna (Nacızadə) qarşı CM-in 147.2.2 maddəsi (ağır cinayət törədilməsi ilə bağlı böhtan) ilə iddia qaldırılıb.
İddiaçı İmişli rayon mədəniyyət və turizm şöbəsinin rəisi Süleyman Bəşirovdur.
İddiaya mayın 30-da “Gunxeber.com” saytında “Vilyam Hacıyevin attestasiya rüşvəti” adlı xəbərin yayılması səbəb olub.
Xəbərdə bildirilib ki, İmişli rayon mədəniyyət və turizm şöbəsində Mədəniyyət Nazirliyinin nümayəndələrinin iştirakı olmadan əməkdaşların attestasiyası keçirilir.
Şöbənin rəhbəri B.Süleymanov attestasiyanın uğurlu keçməsinə görə işçilərdən rüşvət tələb edir.
İddia Nərimanov Rayon Məhkməsində qaldırılıb və hakim Məzahir Sadıqov tərəfindən icraata götürülüb. İddiaya iyunun 17-də saat 10:30-da baxılacaq.
Jurnalist iddianın baxılmaq üçün qəbul edilməsini qanunsuz hesab edir, çünki orada jurnalistin soyadı və ünvanı göstərilməyib.
İkincisi, hakimin işi tələsik icraata götürməsi sual doğurur.
Bundan əlavə, Nərimanov Rayon Məhkəməsi işə baxa bilməz. Çünki nə Z.Müqabiloğlu, nə də onun saytının redaksiyası Nərimanov rayonunda qeydiyyatda deyil.
Redaksyanın ofisi 2013-cü il mayın 15-dək Nərimanov rayonunda yerləşib.
Jurnalist Turan-a bildirib ki, informasiya mənbəyi İmişli rayon mədəniyyət və turizm şöbəsinin işçiləridir.
Qeyd edək ki, iddianın özündə də təsdiqlənir ki, Mədəniyyət Nazirliyinin işçiləri attestasiya komissiyasında iştirak etməyiblər.
Z.Müqabiloğlunun hüquqlarını vəkil Elçin Sadıqov və “Yeni Müsavat” qəzetinin hüquqşünası Vaqif Hüseyn müdafiə edəcəklər.
Media Hüququ İnstitunun hüquqşünası Xalid Ağəliyev iddianı şərh edərkən deyib ki, KİV haqqında qanun on-line mediaya qarşı diffamasiya iddialarının qaldırılmasına yol verir. Lakin jurnalistin diffamasiyaya görə cinayət məsuluyyətinə cəlb edilməsi tələbi Avropa İnsan Hüquqları Konvensiyasına, Avropa İnsan Hüquqları Məhkəməsinin Azərbaycan üzrə presedent qərarlarına (Eynulla Fətullayev, Yaşar Ağazadə və Rövşən Kəbirlinin işləri üzrə) ziddir. Bu qərarlarda diffamasiyaya görə cinayət cəzasının ləğvinin vacibliyi göstərilib.
Cinayət Məcəlləsində böhtan və təhqirə görə cəza tədbirlərinin saxlanması onların mütləq tətbiqi demək deyil. Bəzi Avropa ölkələrində qanunvericilikdə bu cür tədbirlər var, lakin 40-50 ildir ki, onlar tətbiq edilmir, çünki bundan Avropa İnsan Hüquqları Məhkəməsinə etiraz veriləcək və hökumət cərimə ödəməli olacaq. Odur ki, Azərbaycanda da diffamasiya haqqında qanunun qəbuluna qədər CM-in sözügedən maddələriin tətbiqinə moratorium qoyula bilər.
147.2 maddə 3 ilədək azadlıqdan məhrumetmə cəzasını nəzərdə tutur. -06B-
-
- Cəmiyyət
- 14 İyun 2014 13:07
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz