Mətbuat-Monitorinq 14.06.14

Rəsmi qəzetlər Türk Dövlətləri Parlament Assambleyasının toplantısı çərçivəsində Bakıda olan Türkiyə, Qırğızıstan, Qazaxıstan parlament rəhbərlər və başçılıq etdikləri nümayəndə heyətlərini dövlət başçısı İlham Əliyevin qəbul etməsi haqda xəbərləri ilk səhifələrə yerləşdiriblər.

Bundan əlavə, bu qəzetlərdə Şəmkir rayonunun Şəmkir-Yeni-Göyçə-Dağ Cəyir   avtomobil yolunun tikintisi üçün dövlət başçısının 3 milyon manat vəsaitin ayrılması haqda sərəncamının mətnini də dərc ediblər.

“Azadlıq” qəzeti ABŞ-ın Helsinki Komissiyasında Azərbaycanla bağlı bu günlərdə keçirilən dinləmələrin rəsmi Bakını hiddətləndirdiyini və buna görə Qərbə “hücum əmri” verildiyini manjetə çıxarıb.

ABŞ Helsinki Komissiyasında Azərbaycanda insan haqlarının, söz azadlığının pis durumda olması ilə bağlı tənqidlərə rəsmi Bakının əsəbi reaksiyasını ekspertlər “beynəlxalq qurumların önündə götürdüyü öhdəliklərdən imtinası” sayıblar.

Vaxtilə rəsmi Bakının lobbiçilərindən olan AŞPA-nın eks vitse-prezidenti Göran Lindblad  rejimin daha da repressiv olduğunu bəyan edib və Əliyevə AŞ Nazirlər Komitəsinin sədri olmadan siyasi dustaqları azad etmək tövsiyəsi verib.

ABŞ-ın Korneki Fondunun eksperti Tomas de Vaal rəsmi Bakının addımlarının ölkəni hətta Rusiya və Belarusla müqayisədə belə daha repressiv ölkəyə çevirdiyi mövqeyini ifadə edib.

ABŞ-ın “Foreign Policy” jurnalı rəsmi Bakını korrupsiya, rüşvət və s. cinayətlərdə ittiham edərək AŞ üzvü olan ölkələrdə ən çox saxtalaşdırılan seçkilərin məhz Azərbaycanda keçirildiyini bəyan edir. 

“Ekspress”  İraqa hücimları ilə Orta Şərqdə təşviş yaradan İŞİD terror qruplaşmasının Azərbaycan və Türkiyəni işğal edəcəyi bəyanatını önə çəkərək bunu “İŞİD-in Bakı və Ankaranı hədələməsi” adlandırır.

“Novoe Vremya”  dünyanın iqtisadi-siyasi taleyinə təsir gücünə malik ABŞ-ın mliyardlar sahibi Rokfellerlərə Novruz Məmmədovun öz bizneslərilə məşğul olmaq “məsləhəti”nə “bizim haikimiyyət hansı ölçülərlə yaşayır?” sualını ünvanlayır.

“Bizim yol”  İraqa hücumları ilə Şərqdə ciddi təşviş yaradan İŞİD terror dəstəsinin quracaqları “şəriət dövləti” ərazisinə Azərbaycanı da aid etməsini    “Azərbaycan da İŞİD-in terror hədəfində” oilması sayaraq ön səhifəyə çıxarıb.

“Yeni Müsavat”  erməni hərbi birləşmələrinin son vaxtlar Naxçıvana qarşı təxribatlarını gücləndirməsini qeyd edərək bunu “Qarabağ uğrunda savaşın Naxçıvandan başlaması” sayaraq ilk plana çıxarır.

Qəzet son günlərdəki hücumları ilə Orta Şərqi təşvişə salan İŞİD terror qrupunun işğal etdiyi ərazilərdə şəriət dövləti quracaqları haqda bəyanatında bu ərazilərə Azərbaycan, Türkiyə və İran ərazilərini də aid edir.