Bakı/27.04.18/Turan: Bu gün Bakıda "Qran-pri Azərbaycan" "Formula-1" yarışları start götürüb.
"Bakı Şəhər Halqası" əməliyyat şirkətinin məlumatına görə, 10 komandadan 20 pilot 6 kilometrlik trek halqasında birincilik uğrunda mübarizə aparacaq.
İştirakçılar arasında dünyanın ən yaxşı 10 pilotu: Luis Hamilton, Fernando Alonso, Sebastian Fettel, Valterri Bottas və başqaları var.
Marşrut boyunca quraşdırılmış tribunalardan 30 min tamaşaçı yarışları izləyə bilər. Start və finiş "Azadlıq" meydanında olacaq.
Bu gün "Formula-1" və "Formula-2" yarışçılarının sərbəst yürüş günüdür.
Aprelin 28-də təsnifat, bazar günü final yürüşləri olacaq.
"Formula-1"in Qran-pri mərhələləri 2016-cı ildən Bakıda keçirilir.
Hazırki yarışlar Azərbaycan paytaxtında keçirilən sayca üçüncü yarışdır.
Bakıda 2019 və 2020-ci illərdə ən az iki yarış daha keçiriləcək. -0-
Cəmiyyət
-
Avropa Parlamentində Yaşıllar Qrupu/ Qrupunun Avropa Azad Alyansı Qubad İbadoğlunu 2024-cü il Saxarov mükafatına namizəd göstərib. Bu barədə Yaşıllar Qrupunun Avropa Azad Alyansı ilə birlikdə açıqlamasında qeyd olunur. Bu nominasiya Azərbaycanda, xüsusilə mədən hasilatı sektorunda fikir ayrılıqlarının yatırılması ilə bağlı artan beynəlxalq narahatlığı önə çəkir.
-
Sentyabrın 19-da paytaxtda hava tutqun olacaq, axşama doğru yağış yağa bilər. Şimal-şərq küləyi əsəcək.
-
Nazirlər Kabineti noyabr ayında iş və istirahət günlərinin dəyişdirilməsi barədə qərar qəbul edib. 12 noyabr (çərşənbə axşamı) və 13 noyabr (çərşənbə) istirahət günləri, 16 və 23 noyabr isə iş günləri olacaq.
-
Sentyabr 16-da Mərkəzi Seçki Komissiyası (MSK) növbədənkənar parlament seçkilərinin protokollarını Konstitusiya Məhkəməsinə təqdim etdi. Seçkinin gedişi ilə bağlı bir çox şikayətlər olsa da, MSK heç bir dairədə nəticələrə təsir etməməklə, ümumilkdə 40-dan çox məntəqədə nəticələri ləğv elədi. Bu qurum seçkilərin yüksək səviyyədə keçirildiyini açıqladı. Amma bir sıra müxalifət qüvvələri də bildirdilər ki, seçkilər əvvəlcədən hazırlanan siyahılar əsasında gerçəkləşib.
Rəy yaz