Bu gün Bakının mərkəzində çoxkilometrli avtomobil tıxacı yaranıb. Bu, Neftçilər prospekti (dənizkənarı bulvar) və bir sıra bitişik küçələrdə (Azərbaycan prospekti, Rəsul Rza və Niyazi küçələri) hərəkətin tam dayandırılmasından sonra baş verib. Təxminən üç həftə əvvəl Neftçilər prospektində yeni su xətlərinin çəkilməsinə başlanılıb və yolun bir neçə hissəsi bağlanıb.
Nəticədə yollarda hərəkətin dayandırılması digər mərkəzi küçələrdə avtomobil sıxlığına səbəb olub. Minlərlə avtomobil saatlarla tıxacda dayanır, hərəkət edə bilmir.
Yol polisi baş verənlər, Neftçilər prospektinin nə zaman açılacağı barədə açıqlama vermir. Təmir işlərini aparanlar avqustun 5-dək işlərin yekunlaşacağını bildirmişdilər, lakin hər zamankı kimi deyilən vaxtda başa çatmayıb. Çox güman ki, bu vəziyyət hələ bir ay, bəlkə də çox davam edəcək.
Hələ ki 35 dərəcə istinin olmasına baxmayaraq, piyada getmək hərəkət etməyin ən yaxşı yolu olaraq qalır.02V-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz