![Bəşir Süleymanlıya doğmaları ilə görüş verilmir](https://turan.az/resized/media/2014/main/061100081166-750-500-resize.webp)
Bəşir Süleymanlıya doğmaları ilə görüş verilmir
Bakı İstintaq Təcridxanasında saxlanılan Seçkilərin Monitorinqi və Demokratiyanın Tədrisi Mərkəzinin icraçı direktoru Bəşir Süleymanlıya ailə üzvləri ilə görüş verilmir. Bu barədə Turan-a onun vəkili Fariz Namazlı bildirib.
Onun sözlərinə görə, görüş məsələsi bağlı təcridxana rəhbərliyi qarşısında qaldırılıb. Cavabında bildirilib ki, təcridxanada 2000-nə qədər şəxs saxlanılır, onlar da doğmaları ilə görüş gözləyir. B. Süleymanlıya növbə çatanda görüşəcək.
Mayın 26-da məhkəmə zalında həbs edilən B.Süleymanlı həbsindən sonra bir dəfə mayın 30-da şüşə arakəsmə vasitəsilə doğmaları ilə görüşə bilib.
Vəkil B.Süleymanlının doğmaları ilə görüş hüququnun məhdudlaşdırılmasını əsassız sayır.
F.Namazlı qeyd edib ki, həbs yerlərində saxlanılan şəxslərin hüquq və azadlıqlarının təmin edilməsi haqqında qanunun 19.6-cı maddəsinə görə, həbs edilmiş şəxs ayda dörd dəfə 4 saatadək müddətə görüş hüququna malikdir:
Öz növbəsində Penitensiar Xidmətin ictimaiyyətlə əlaqələr şöbəsindən Turan-a bildirilib ki, “Bəşir Süleymanlı Bakı təcridxanasında saxlanıldığı qısa müddətdə - mayın 26-dan öz ailə üzvləri ilə bir dəfə görüşüb və iki dəfə gətirilən əşyaları almaq hüququndan istifadə edib.
“Bəşir Süleymanlının yaxın qohumlarının görüşlə bağlı müraciəti təmin edilib”, - Penitensiar Xidmətin nümayəndəsi bildirib.
* Mayın 26-da SMDTM-in rəhbəri Anar Məmmədli 5,5 il, Bəşir Süleymanlı 3,5 il müddətinə azadlıqdan məhrum edilib. Könüllülərin Beynəlxalq Əməkdaşlığı İctimai Birliyinin rəhbəri Elnur Məmmədov da həmin müddətə həbs olunub.
Hüquq müdafiəçilərinin fikrincə, onların təqib olunmasının əsl səbəbi 2013-cü ilin oktyabrında keçirilmiş prezident seçkilərinin saxtalaşdırılması haqda rəy vermələridir.06D06-
Cəmiyyət
-
Avqust ayında Azərbaycanda havanın orta aylıq temperaturu iqlim normasına yaxın olacaq.
-
İyulun 30-da Türkiyə və Ermənistanın Normallaşma Prosesinin xüsusi nümayəndələri (səfir Serdar Kılıç və Ermənistan parlamentinin sədr müavini Ruben Rubinyan) iki ölkənin ortaq sərhədində yerləşən Əlican-Mərqara sərhəd qapısında beşinci görüşlərini keçirdilər. “Xüsusi nümayəndələr Akyaka/Axurik dəmir yolu sərhəd qapısının regional inkişaflara uyğun olaraq istifadəyə veriləcəyi təqdirdə tələb olunacaq texniki ehtiyacları qiymətləndirməyə və qarşılıqlı viza prosedurlarını asanlaşdırmağa razılaşdılar. Onlar son məqsədi tam normallaşma olan bu prosesin heç bir ilkin şərt olmadan davam etdirilməsi ilə bağlı razılığı təsdiqləyiblər”, - TRT-nin xəbərinə deyilir.
-
Bakıda cümə axşamı yağıntı gözlənilmir, lakin gecə Abşeronda bir sıra yerlərdə qısamüddətli yağış yağacağı ehtimalı var.
-
İyulda Azərbaycan Ordusunun mühəndis qoşunlarının bölmələri 1184 hektardan artıq ərazini minalardan təmizləyib. Bu barədə çərşənbə günü Azərbaycan Müdafiə Nazirliyi məlumat yayıb.
Rəy yaz