Bakı/23.10.18/Turan: Beynəlxalq Qırmızı Xaç Komitəsi (BQXK) Bakı nümayəndəliyinin əməkdaşları ötən həftənin sonu 9 saylı koloniyada saxlanılan Zərdab Rayon Prokurorluğunun keçmiş müstəntiqi Rüfət Səfərova baş çəkiblər. Bu barədə Turan-a vəkil Bəhruz Bayramov bildirib. Onun sözlərinə görə, BQXK nümayəndələri R.Səfərovun səhhəti, qidalanması və saxlanma şəraiti ilə maraqlanıblar.
"Rüfət Səfərov deyib ki, hazırda saxlanma şəraiti, qidalanması və ona münasibət normaldır", - vəkil bildirib. R.Səfərov universal hüquqi və humanitar prinsiplərin təşviqinə görə BQX-ya təşəkkürünü bildirib.
O qeyd edib ki, əvvəllər ona qarşı işgəncə faktları ilə bağlı bəyanatı Avropa İnsan Hüquqları Məhkəməsində icraata götürülüb.
"BQXK nümayəndələri bir müddət öncə Rüfət Səfərova qarşı işgəncələrlə bağlı Azərbaycan hökumətinə, həmçinin beynəlxalq təşkilatlara məlumat veriblər", - öz növbəsində məhbusun atası Eldar Sabiroğlu bildirib.
*Rüfət Səfərov Zərdab Rayon Prokurorluğunun müstəntiqi olub. 2015-ci il dekabrın 20-də hüquq-mühafizə orqanlarındakı özbaşınalıqla bağlı bəyanat yayıb və istefa verib.
Həmin il dekabrın sonlarında R.Səfərova qarşı cinayət işi başlayıb. O, rüşvət almaqda ittiham olunub. 2016-cı ilin sentyabrında Lənkəran Ağır Cinayətlər Məhkəməsi R.Səfərovu 9 il azadlıqdan məhrum edib.
Rüfət Səfərov YAP-dan keçmiş deputat və Müdafiə Nazirliyinin mətbuat xidmətinin keçmiş rəhbəri Eldar Sabiroğlunun oğludur.-05B06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz