Müəllimləri, şagirdləri və həkimləri zorla məhsul yığımına məcbur edirlər
Bakı/23.10.18/Turan: Bu ilin səkkiz ayı ərzində Azərbaycan xaricə təxminən 37 min ton pambıq ixrac edib. Bu, ötən ilin eyni dövründəkindən 2,1 dəfə çoxdur.
KİV-də pestisidlərin qeyri-peşəkar istifadəsi nəticəsində pambıq istehsalçılarının bir neçə dəfə kütləvi zəhərlənməsi barədə məlumatlar yayımlanıb. Fermerlər və pambıq yığanlar aşağı əmək haqqı və kənd təsərrüfatı ilə məşğul olmayanların zorla məhsul yığımına məcbur edilməsindən narazıdır. Eyni zamanda, pambıq şirkətlərinin gəlirləri istehsalçı-fermerlərin mənfəətindən 4 dəfə çoxdur.
Sabirabad rayonunda təhsil işçilərinin pambıq yığımına məcburi cəlb edilməsi barədə məlumat verilir. Birinci Şahsevən kəndində 1 nömrəli orta məktəbinin ərazisində pambıq plantasiyası yaradılıb, şagird və müəllimləri orada işləməyə məcbur edirlər. Məktəbin direktoru müəllim və şagirdləri təhsil prosesindən ayırır, məktəb plantasiyasında iş isə bir sıra hallarda kimyəvi reagentlərlə zəhərlənməyə gətirib çıxarır. Məcburi əməyə görə kompensasiya barədə məlumat verilmir.
Sabirabad rayonunun Ulaşcalı kəndinin yeni icra nümayəndəsi Mehman Cəfərov oktyabrın 21-də kəndliləri toplayaraq pambıq yığmağı tapşırıb. Kəndlilər pambıq əkini müqavilələri imzalamağa məcbur edilib. Cəfərov kənd məktəbinin müəllimlərini də belə müqaviləni imzalamağa məcbur etmək niyyətini açıqlayıb. Bu kənddə digər bitkilərin əkilməsi artıq qadağandır. Cəfərov buğda, qarpız və digər əkinlərin traktorla məhv ediləcəyi ilə təhdid edib, - deyə rayon sakini Turan-a bildirib.
Həmin rayonun Cavad kəndində bu il pambıq məhsulu ötən ilə nisbətən daha az olub, deyə adının açıqlanmasını istəməyən yerli fermer bildirib. Əl əməyi ilə yığılan bir kiloqram pambığa görə kəndlilərə 15 qəpik ödənilir.
"Məhsuldarlıq aşağı səviyyədədir, ona görə zərərlə işləyirik", - deyə bir fermer bildirib. Bu kənddə sakinlər iş tapa bilmir, onların həyat səviyyəsi hər il aşağı düşür. Onlar təyin edilən qiymətə işləməyə məcburdur. Bu kənddə təhsil sisteminin işçiləri də pambıq istehsalında zorla iştirak edirlər.
Sabirabad pambıq zavodunda gərgin əmək münasibətləri yaranıb. Burada traktorçular işə getməkdən imtina edib. Səbəb isə direktorun müəssisənin xərclərinin artması bəhanəsi ilə pulsuz naharı ləğv etməsidir. Traktorçulara təzyiq göstərildikdən sonra onlar etiraz aksiyasını dayandırıb və işə qayıdıblar.
Qonşu Beyləqan rayonunda pambıq yığmağa adam tapılmır. Məhsul tarlalarda qalıb xarab olur. Pambıq yığımı zamanı 1 kq üçün verilən 15 qəpiyə görə kəndlilər ağır işi yerinə yetirmək istəmir.
Salyan rayonunda yerli hakimiyyət orqanları tibb və təhsil işçilərini pambıq yığmağa məcbur edir, çünki rayonda kifayət qədər pambıqyığan kombayn yoxdur. Digər tərəfdən, kombaynla yığılan pambıq yüksək çirklilik səbəbindən aşağı qiymətə qəbul edilir. Ona görə fermerlər əl əməyinə üstünlük verirlər. -0-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz