Bakı/23.10.18/Turan: Bu gün 100-ə yaxın şəhid ailəsinin nümayəndələri Milli Məclisin binasının qarşısında etiraz aksiyası keçiriblər. Onlar Azərbayanın ərazi bütövlüyünün müdafiəsi zamanı həlak olan ailə başçılarına görə verilən kompensasiyanın ödənilməməsindən şikayət ediblər.
Bu ilin yazında prezident İlham Əliyev 1991-97-ci illərdə Azərbaycanın ərazi bütövlüyünün müdafiəsi uğrunda döyüşlərdə həlak olan və ya itkin düşən şəxslərin ailələrinə 11 min manat həcmində birdəfəlik kompensasiyanın ödənilməsi barədə sərəncam imzalayıb.
Kompensasiyaların ödənilməsinə oktyabrın 9-dan başlanılıb. Lakin ailələrin bir çoxuna verilməyib, bildirilib ki, onlar pul vəsaitini bundan əvvəl alıblar. Vətəndaşların dövlət orqanlarına şikayətlərinə baxılmır.
Ailələr oktyabrın 16-da parlamen binasının qarşısında aksiya keçiriblər və bu gün yenidən gəliblər. Parlamentin Sosial siyasət komitəsinin rəhbəri Hadı Rəcəbli onların qarşısına çıxıb.
Aksiya iştirakçısı Sevinc Quluzadənin söslərinə görə, deputat onlara bildirib ki, məsələ öyrənilir və yaxın iki ildə həll olunacaq.
"Mən soruşdum ki, niyə sənədlər hazırlananda bu məsələ öyrənilməyib, o cavab verməyərək getdi", - S.Quluzadə deyib.
Etirazçılar parlament binasının qarşısından Prezident Administrasiyasına doğru gediblər.-06D--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz