Son vaxtlar Bakıda qəzet köşklərinin ləğv -edilməsi mövzusu müstəqil KİV-lərdə geniş müzakirə olunur. Turan informasiya agentliyinin direktoru Mehman Əliyev xatırladıb ki, Bakıda qəzet köşklərinin dəyişdirilməsi prosesi 2011-ci ilin sentyabr ayında başlayıb.
12 kv. m sahəsi olan “Paris” köşkləri QASİD mətbuat yayımı şirkətinin 4 kv. m-lik köşklərini əvəz edir. Beləliklə, guya paytaxt küçələrinə Avropa görünüşü vermək istəyirlər, deyə Əliyev bildirib.
O qeyd edib ki, paytaxt meri Hacıbala Abdullayev hələ ötən il iddia edirdi ki, bu, abadlaşdırma məqsədilə həyata keçirilir, amma 10 il əvvəl elə həmin Abutalıbov “Qaya” firmasının köşklərini ləğv edərkən onların vətəndaşların hərəkətinə mane olduğunu iddia edirdi. Lakin yeni köşklər təkcə vətəndaşların deyil, yanğınsöndürən maşınların da yolunu kəsir, Rus Dram Teatrının yanında olduğu kimi.
Yeni köşklər əsasən ərzaq məhsullarının satıldığı ticarət nöqtələridir. Əliyevin fikrincə, bu layihə çap KİV-lərinin biznesinə ciddi zərbə vurur. “Neft Akademiyasının yaxınlığındakı köşkdə 15 gün əvvəl çıxmış saralmış qəzetlər asılıb. Köşkdə yeni qəzet tapılmadı. Gündə neçə qəzet satıldığı barədə suala cavabda satıcı “10”, deyə cavab verdi! Yəni 12 kv. m sahəsi olan köşk 10 qəzet satır.
Hakimiyyətin ləğv etmək istədiyi QASİD firmasının 57 saylı köşkünün qarşısında isə az qala növbə yaranır”, deyə Əliyev qeyd edib.
Yeni sahiblər barədə suala cavabda Əliyev onların adlarının hələlik məlum olmadığını deyib. Prezident Administrasiyasının ictimai-siyasi şöbəsinin müdiri Əli Həsənov şəhər meri Abutalıbovdan soruşmağı təklif edib.
“Merin adına sorğu göndərilib, cavab isə yoxdur. Lakin meriyadan mənə dedilər ki, Abutalıbovun bununla əlaqəsi yoxdur, bu, başqa qrupdur. Lakin QASİD-in 57 saylı köşkünü ləğv etməyə çalışan insanlar özlərini Bakı şəhər icra hakimiyyətinin ticarət departamentinin əməkdaşları kimi təqdim ediblər.
Bundan başqa, Abutalıbov ötən il QASİD rəhbərliyinə kiminsə göstərişi ilə köşklərin dəyişdiriləcəyi barədə xəbərdarlıq edib. QASİD bu barədə susur, amma Abutalıbov yeni köşklərin kimə məxsus olduğunu bilir”, deyə Əliyev qeyd edib.
Təxminən 12 mln. manat qanunsuz dövriyyəsi olan 400 köşkdən ibarət böyük ticarət şəbəkəsi yaradılır. Burada kassa aparatları yoxdur, dövlət qarşısında hesabatlılıq yoxdur. Mətbuatın əksər hissəsi susur, çünki KİV-ə Dövlət Dəstəyi Fondu vasitəsilə, habelə zərflərdə maliyyə yardımı alırlar.
Bu köşk əməliyyatının gələn il keçiriləcək prezident seçkiləri və tənqidi mətbuatın aradan qaldırılması ilə əlaqəli olub-olmadığı barədə suala Əliyev təsdiqedici cavab verib. Onun fikrincə, bu təmayül davam etsə, mətbuatın vəziyyəti xeyli pisləşəcək. “Əsasən dövlət qurumlarında oxucuların izlənilməsi və şübhəli saytların bağlanması üzrə xüsusi avadanlıq tətbiq edildiyi barədə məlumat var. Əslində İnternetdə senzura tətbiq edilir”, deyə o bildirib.
90-cı illərin sonlarından etibarən klassik qəzet çatdırılması sistemi ləğv edilməyə başlayıb. Regionlarda artıq abunə yazılmaqla qəzet almaq mümkün deyil, belə ki, qəzet gətirən yoxdur, rayon mərkəzlərində demək olar ki, köşk yoxdur, olsa belə, insanlar tənqidi mətbuata abunə yazılmağa qorxur.
Standartlar barədə danışan Əliyev bildirib ki, Azərbaycan adambaşına düşən köşk sayına görə bir çox ölkələrdən geri qalır. Məsələn, Avropada hər 1-2 min nəfərə 1 köşk düşürsə, Azərbaycanda bu göstərici 15 min nəfər təşkil edir.
O, böhran vəziyyətindən çıxış yolunu cəmiyyətin köşklərin müdafiəsi üçün birləşməsində görür, belə ki, bu siyasət bütün vətəndaşların, cəmiyyətin, dövlətin maraqlarına zərbə vurur. “Cəmiyyət də öz sözünü deməlidir”, deyə o qeyd edib.
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz