Bakı/26.09.17/Turan: Sentyabrın 26-da ANAMA NATO ilə əməkdaşlıq çərçivəsində həyata keçirilən "Ceyrançöl" layihəsinin üçüncü mərhələsinin təqdimatını keçirib. Təqdimatda baş nazirin müavini Abid Şərifov, NATO-nun Cənubi Qafqaz və Mərkəzi Asiya üzrə xüsusi nümayəndəsi Ceyms Appaturay, NATO/NSPA-nın nümayəndələri, Azərbaycanda akkreditə olunmuş diplomatlar, digər rəsmi şəxslər iştirak ediblər.
ANAMA direktoru Qəzənfər Əhmədov qeyd edib ki, Azərbaycan-Gürcüstan sərhədi boyunca Ceyrançöl ərazisi (Bakıdan 450 km şimal-qərbdə) 1955-ci ildən 1991-ci ilə qədər Sovet ordusunun təlim və sınaqları üçün poliqon kimi istifadə olunub.
"Birinci mərhələ çərçivəsində 28 ay ərzində (aprel 2012 - iyul 2014) 19 kv km minalardan təmizlənib. 13654 PHS və 173 tank əleyhinə mina zərərsizləşdirilib.
İkinci mərhələ 2014-cü il iyulun 8-də start götürüb və 24 ay davam edib. Bu mərhələ çərçivəsində 23 584 545 kv metr ərazi minalardan təmizlənib - 1553 PSH zərərsizləşdirilib. Üçüncü mərhələ 22 kv km sahəni əhatə edir, bu ilin yanvarında başlayıb və 2018-ci ildə başa çatacaq.
NATO rəsmi olaraq "Ceyrançöl" layihəsi çərçivəsində 21 395 505 kv km sahənin təmizləndiyini təsdiq edib. Azərbaycan hökuməti layihənin ümumi dəyərinin 50%-ni maliyyələşdirib", deyə Əhmədov qeyd edib.
Abid Şərifov qeyd edib ki, Ermənistan-Azərbaycan münaqişəsi zamanı işğal edilmiş, habelə işğaldan azad edilmiş ərazilərdə və keçmiş poliqonlarda və sovet ordusunun bazalarında çox sayda PSH qalıb. 1991-ci ildən bu günə qədər Azərbaycanda minalardan və PSH-dan 532 nəfər həyatını itirib, 2400-dən çox insan müxtəlif xəsarətlər alıb.
Ağstafa rayonunun Saloğlu kəndində yerləşən, Cənubi Qafqazda ən böyük anbar olan Sovet ordusunun döyüş sursatları anbarında partlayış nəticəsində 30 nəfər həlak olub və 93 nəfər müxtəlif xəsarətlər alıb, deyən baş nazirin müavini qeyd edib ki, bu ərazi ən təhlükəli yerdir.
Ceyms Appaturayın sözlərinə görə, Ceyrançöl layihəsi NATO tərəfindən faydalı və səmərəli investisiyadır. Burada əldə olunan təcrübəni Gürcüstan da mənimsəyir. Azərbaycan Əfqanıstanla təcrübəsini bölüşür. Bu, insanlara təhlükəsizlik zəmanəti verən layihədir.
ABŞ-ın Azərbaycandakı səfiri Robert Sekuta qeyd edib ki, "Ceyrançöl" layihəsinin başlanğıcından etibarən ABŞ ona dəstək verir. Amerika layihənin üçüncü mərhələsini də dəstəkləyir:
"Biz PSH-ın günahsız insanlara təsirini görürük. ABŞ hökuməti Azərbaycan ərazilərinin minalardan təmizlənməsinə 30 mln. yatırıb. Donor ölkələrlə birlikdə 40 kv km-dən çox ərazi təmizlənib", deyə səfir qeyd edib. -03C04-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz