Bakı/26.09.17/Turan: Müxalifətin 23 sentyabr mitinqi ərəfəsində müxalifət fəallarının həbsləri əsassızdır və onlardan apellyasiya məhkəməsinə şikayət veriləcək, bu barədə Turan-a vəkil Əsabəli Mustafayev bildirib.
Çərşənbə axşamı o, Bakının Binəqədi rayonunda inzibati qaydada saxlanılan şəxslərin saxlanıldığı təcridxanada Azərbaycan Xalq Cəbhəsi Partiyasının (AXCP) fəalları Bəhruz Həsənli, İlham Hüseynli, Saqif Qurban, Aqil Məhərrəmov, Emil Səlimov, Emin Maniyev və Nicat Nizamovla görüşüb.
Onlar şənbə mitinqi ərəfəsində saxlanılıblar və 10 gündən 15 günədək inzibati həbs cəzasına məhkum ediliblər.
"İnzibati xətaların törədilməsi ilə bağlı ittihamlar, müxalif fəallarının işində həmişə olduğu kimi, saxtalaşdırılıb. Guya onlar hamısı küçələrdə gəzərək, "senzuradankənar ifadələr" işlədiblər, polis əməkdaşları onları asayişə çağırdıqda isə tabe olmayıblar", deyə vəkil bildirib.
O qeyd edib ki, məhbuslar sıx şəraitdə saxlanılır.
Belə ki, ikinəfərlik kameralarda beş, altınəfərlik kameralarda 9 nəfərə qədər məhbus saxlanılır. Bu, digər saxlanma şəraitlərinə - qidalanmaya, sanitariyaya da mənfi təsir edir, məhbuslar yerdə yatmaq məcburiyyətində qalırlar.
Mustafayev qeyd edib ki, həbslərdən apellyasiya məhkəməsinə şikayət veriləcək.
Şikayətlər təmin edilməsə, gələcəkdə müdafiə tərəfi Avropa İnsan Hüquqları Məhkəməsinə (AİHM) müraciət edəcək.
Bəhruz Həsənli barəsində bu, AİHM-ə dördüncü şikayət olacaq. İki iş üzrə AİHM artıq onun şikayətlərini təmin edib. Digərləri üzrə hələ qərar qəbul edilməyib.
Mitinq ərəfəsində həbs edilən daha bir məhbus - AXCP fəalı Etibar Məmmədli Xətai rayon polis idarəsində saxlanılır. -06B-
Cəmiyyət
-
Azerbaycan, Əqrəb bürcünün təsiri altında həmişə dərin transformasiya, dözümlülük və strateji manevr etmə torpağı olub. Əqrəb su bürcü olduğu üçün, ölkənin zəngin təbii sərvətləri, xüsusilə neft və qaz ehtiyatları ilə olduğu kimi, həmçinin Şərq və Qərbin kəsişməsində yerləşməsi, mədəniyyətlərin və sivilizasiyaların qovuşub inkişaf etdiyi bir yer olması arasında bir əlaqə mövcuddur. 2025-ci il, ölkə üçün davamlı transformasiya ili və həm daxili, həm də qlobal səviyyədə güclü dəyişikliklər vəd edir.
-
Azərbaycanın Milli Hidrometeorologiya Xidməti 1 yanvar tarixinə olan hava proqnozunu açıqlayıb və ölkə üzrə əsasən yağmursuz hava şəraiti gözlənilir. Bakı və Abşeron yarımadasında gün ərzində dəyişkən buludlu hava müşahidə olunacaq, ara-sıra buludluluğun artması gözlənilsə də, yağış yağmayacaq. Səhər saatlarında cənub-qərb küləyi əsəcək, günün ikinci yarısında isə mülayim şimal-qərb küləyi ilə əvəzlənəcək.
-
“Müdafiəçi” Hüquq Mərkəzi Azərbaycanın quru sərhədlərinin açılması tələbi ilə ictimai kampaniyaya başlayır. Belə ki, Nazirlər Kabinetinin quru sərhədlərinin qapalı saxlanılması ilə bağlı qərarından Azərbaycan Konstitusiya Məhkəməsinə kütləvi şəkildə fərdi şikayətlərin verilməsi təklif edilir.
-
Prezident İlham Əliyev dekabrın 29-da ondan dörd gün əvvəl Bakıdan Qroznıya uçan AZAL təyyarəsinin Qazaxıstanın Aktau şəhəri yaxınlığında qəzaya uğraması ilə bağlı Dövlət Televiziyasına (AZ TV) müsahibə verdi. Prezident dedi ki, Azərbaycan tərəfi öz tələblərini açıq şəkildə Rusiya tərəfinə bildirib: "Dekabrın 27-də artıq bu tələblər rəsmi qaydada onlara çatdırıldı. Bu, nədən ibarətdir?
Rəy yaz