![Çirkli pulların yuyulmasına və terrorçuluğun maliyyələşdirilməsinə qarşı mübarizə məqsədilə e-tədris sistemi hazırlanıb](https://turan.az/resized/media/2012/main/102300015784-750-500-resize.webp)
Çirkli pulların yuyulmasına və terrorçuluğun maliyyələşdirilməsinə qarşı mübarizə məqsədilə e-tədris sistemi hazırlanıb
Oktyabrın 23-də Azərbaycan Mərkəzi Bankı yanında Maliyyə Monitorinqi Xidməti (MMX) ABŞ Beynəlxalq İnkişaf Agentliyi (USAID) ilə əməkdaşlıq şəraitində müxtəlif dövlət və maliyyə təşkilatlarına özünün yeni elektron-tədris (e-tədris) sistemini təqdim edib.
MMX bu sistemi USAID-in Azərbaycandakı missiyası ilə birgə işləyib hazırlayıbr. E-tədris sisteminin məqsədi çirkli pulların yuyulması/terrorçuluğun maliyyələşdirilməsinə qarşı mübarizə (PY/TMM) və onun tələbləri ilə bağlı məlumat və biliklərin daha geniş kütləyə daha səmərəli və effektiv metodlarla çatdırılmasıdır.
Tədbiri açan Maliyyə Monitorinqi Xidmətinin direktoru Adışirin Qasımov qeyd edib ki, bütün ölkədə PY/TMM ilə bağlı ictimaiyyətin hüquqi mədəniyyətinin və institusional potensialın gücləndirilməsində bu qəbildən olan proqressiv alətlər əhəmiyyətli rol oynayır.
USAID-in Azərbaycandakı missiyasının direktoru Maykl Qrin pulların yuyulmasına qarşı mübarizədə əsas elementlərindən biri kimi bilik əldə edilməsinin və onunla bölüşmənin vacib olduğunu vurğulayıb. O, əlavə edib ki, e-tədris sistemi materialları öyrənmək üçün insanlara stimul yaradır və rəsmi təlimdən keçmək, sual-cavabda iştirak etmək və nəticə olaraq terrorçuluğun maliyyələşdirilməsinə qarşı mübarizə üzrə ekspert olmaq imkanı verir.
Pulların yuyulması və terrorçuluğun maliyyələşdirilməsinin yaratdığı təhlükələr barədə verilən geniş məlumatlar və bu növ fəaliyyətlərin qarşısının alınmasında hökumətin rolu barədə izahat xarakterli təqdimatlardan əlavə, sistem PY/TMM qaydaları, beynəlxalq standartlar və qabaqcıl təcrübələri ilə bağlı, həmçinin Azərbaycanda qəbul edilmiş formal standartlar barədə məlumatı istifadəçilərə təqdim edir. Burada bankların müvafiq əməkdaşları PY/TMM ilə bağlı kurs keçərək MMX tərəfindən bu sahədə ekspert olduqlarını təsdiq edən sertifikat ala bilər. Kurs zamanı istifadəçilərin biliyini yoxlamaq üçün onlar bir sıra modullardan və kiçik yoxlamalardan keçir. Bu zaman MMX hər bir istifadəçinin irəliləyişini izləyə bilər. Kursu uğurla bitirən istifadəçilər MMX tərəfindən aparılan imtahanda iştirak edə bilər. Sistemin digər faydaları ilə yanaşı, onun yardımı ilə PY/TMM qaydalarının tələbləri barədə istifadəçilərin biliyinin artırılması potensial olaraq pulların yuyulması və terrorçuluğun maliyyələşdirilməsi üçün istifadə edilən tranzaksiyalar barədə maliyyə təşkilatlarının könüllü şəkildə hesabat verməsinə şərait yaradacaq.
Tədbirdə həmçinin Maliyyə Monitorinqi Xidmətinin direktor müavini Anar Salmanovun müəllifi olduğu və bu yaxınlarda dərc edilmiş “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında Azərbaycan Respublikası qanununun kommentariyası” adlı kitabı da təqdim edilib. Kitab USAID maliyyə dəstəyi ilə dərc olunub.
USAID haqqında daha ətraflı məlumat üçün USAID-in ictimaiyyətlə əlaqələr üzrə əməkdaşı Vüqar Nağıyev ilə vnaghiyev@usaid.gov email ünvanı və (+994 12) 498 18 35 telefon nömrəsi vasitəsilə əlaqə saxlaya bilərsiniz.
USAID-in Azərbaycanda rəqabətlilik və ticarət layihəsi haqqında daha ətraflı məlumat üçün layihənin rəhbəri Melani Schultz ilə melani.schultz@actproject.net email ünvanı və (+994 12) 596 46 35 telefon nömrəsi vasitəsilə əlaqə saxlaya bilərsiniz.--
-
- İqtisadiyyat
- 23 Oktyabr 2012 16:00
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz