![Daha bir AXCP fəalı həbs edilib](https://turan.az/resized/media/2019/main/022500017003-750-500-resize.webp)
Daha bir AXCP fəalı həbs edilib
Bakı/25.02.19/Turan: AXCP-nin məlumatına görə, Baba Süleymanov fevralın 23-də həbs olunub və Yasamal rayon Məhkəməsi fəalı15 sutka inzibati həbsə məhkum edib.
Baba Süleymanovun həbsi ilə bağlı rəsmi qurumlar hələ məlumat yaymayıb.
AXCP Baba Süleymanovun həbsinin siyasi fəaliyyəti və sosial şəbəkələrdə fəallığı ilə bağlı olduğunu bildirir. O, Milli Şuranın yanvarın 19-da keçirdiyi mitinqin texniki hazırlığı ilə məşğul olduğunu yazır.
"Yanvar 17-də saat 22-dir. Ard-arda polisdən zənglər gəlir. Yaşadıgım ünvana 7 polis nəfəri gəlib məni axtarırlar... Gizlənmişəm. Yanvarın 18-də polislər hələ qapının ağzındadır. Qaldığımız evdən bayıra çıxa bilmirik. Dayanmadan həbs xəbərləri gəlir. Bizim yeməyimiz bitmək üzrədir. Evdən çıxmağa məcburuq. Digər cəbhəçiləri tapmaq və həbs olunanları dəqiqləşdirmək lazımdır. Evə qayıdırıq. Artıq iki nəfər qalmışıq... Yeməyimiz bitib. Çörək almağa nə pulumuz, nə də yeməyə həvəsimiz var. Ailə üzvlərimdən ciddi təyziq var. Polislər durmadan məni axtarır. Həbslər davam edir. Ev çox soyuqdur, qalan bir plitka (elektrik sobası - red) da xarab oldu. İki nəfər soyuqda bir birimizə təsəlli verə- verə sabahkı mitinqi gözləyirik. Yanvarın 19-da mitinq üçün tribunanı meydana gətirmək və quraşdırmaq lazımdır. Bu vaxtı ora getmək 100% həbsdir. Amma kimsə getməlidir və cəbhəçi dostum bu riski öz üzərinə götürür. Acından başım gicəllənir, amma meydana getməliyəm. Meydana girirəm və təşkilati işlərlə məşğulam. Xalq meydana axın edir. Mən artıq ağlayıram...". Baba Süleymanov Milli Şuranın yanvarın 19-da keçirdiyi mitinqin təşkilatçılarından biri kimi aksiyaya hazırlığın çətinlikləri barədə facebook səhifəsində belə yazıb.
AXCP sədri Əli Kərimli bu statusa istinad edərək fəalın həbsinə münasibət bildirib: "AXCP fəalı Baba Süleymanovu bu dəfə həbs edə biliblər. 3-4 maşınla, 7-8 nəfərlə Baba bəyi iş yerindən təhlükəli cinayətkarı həbs edirlərmiş kimi aparıblar. Baba bəyə artıq 15 sutka inzibati həbs verilib. Əziz həmvətənlər, bu yazını oxuyarkən siz bu mitinqlərin hansı fədakarlıqlar hesabına başa gəldiyini bir daha bildiniz", deyə Kərimli facebook səhifəsində yazıb.
Milli Şuranın yanvarın 19-da keçirdiyi mitinq ərəfəsində və mitinqdən sonra AXCP-nin altmışdan çox fəalı saxlanılıb. Onlardan 42 nəfəri 10 sutkadan 30 sutkayadək inzibati həbsə məhkum edilib. Partiyanın 21 fəalı 200 manatdan 500 manatadək, o cümlədən AXCP sədri Əli Kərimli 2500 manat inzibati qaydada cərimə olunub. -03B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz