![Dəyirmi masa �Dağlıq Qarabağ: sülh ya müharibə�](https://turan.az/resized/750/500/resize/media/2019/main/031400017490.jpg)
Dəyirmi masa �Dağlıq Qarabağ: sülh ya müharibə�
Bakı/14.03.19/Turan: Öncə "Ədalət Naminə Həmrəylik" Komitəsinin və Helsinki Vətəndaş Assambleyası Azərbaycan Milli Komitəsinin təşkilatçılığı ilə "Dağlıq Qarabağ: sülh ya müharibə" adında dəyirmi masa keçirildi.
Helsinki Vətəndaş Assambleyası Azərbaycan Milli Komitəsinin sədri Arzu Abdullayeva tədbirin son zamanlar DQ münaqişəsi ilə bağlı proseslərin daha intensiv getdiyi bir dövrdə keçirilməsinin əsas məqsədi "sülh" və "müharibə" variantının vətəndaş cəmiyyəti nümayəndələri tərəfindən müzakirə etməkdən ibarət olduğunu bildirdi. Özünün 25 ildən çox sülhyaratma fəaliyyəti fonunda müxtəlif təşəbbüslər icra etdiyini qeyd edərək, Azərbaycan və erməni xalqlarının sülhün əldə olunmasına dair potensialının test olunması üçün vətəndaş cəmiyyəti tərəfindən yaradılan imkanların mövcudluğundan danışdı.
Siyasi analitik, Jurnalistika Məktəbinin direktoru Zərdüşt Əlizadə DQ münaqişəsinin "müharibə" və "sülh" variantlarını qeyd etməklə cəmiyyətdə bu variantlara yanaşmanın ciddi narahatlıq doğurduğunu bildirdi. Müharibənin fəsadlarını dərk etmədən onun populyarlaşdırlması cəmiyyətin siyasi institutları tərəfindən adiləşib. "Amma,hər iki cəmiyyət üçün sülhün və barışın əldə olunmasına imkan verməlidir".
Bununla bağlı münaqışələrin həllində dünyanın ən müvəfəqiyyətli variantı hesab olunan Aland adalarının modelinə diqqəti cəlb etdi.
Humanitar Tədqiqatlar İctimai Birliyinin sədri Əvəz Həsənov qeyd etdi ki, cəmiyyətin müharibə istəyinin yüksək olmasına baxmayaraq, sülhün gətirəcəyi dividentin ölçülməsi üçün heç nə edilmir. Siyasi institutlar kənara çəkilib, medianın imkanları normal müzakirələr üçün məhdudlaşdırılıb.
Siyasi şərhçi Əhməd Əlili öz çıxışında qeyd etdi ki, son zamanlar danışıqlar prosesində fasilənin yaranması heç də münaqişənin həlli ilə bağlı proseslərin dayanması anlamına gəlməməlidir. Proseslər kifayət qədər dinamik xarakter almağa başlayıb, məhz bu baxımdan informasiya komponentinə xüsusi diqqətin yetirilməsinə ehtiyac vardır.
HTİB sədri Əvəz Həsənov tədbirin sonunda iştirakçılara DQ münaqişəsindən bəhs edən "Dairənin hissələri" filmini təqdim etdi. Dağlıq Qarabağ müharibəsinin başlanğıcı dövründə Azərbaycanda siyasi vəziyyət müzakirə olunmaqla, hazırki nəticəyə gətirib çıxaran yollar ətrafında fikir mübadiləsi aparıldı. --0--
-
- Böyük Şərq
- 14 Mart 2019 22:17
-
- Enerji
- 14 Mart 2019 22:35
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz