Azərbaycan prezidenti İlham Əliyev “Bakı şəhərində yeni məscid kompleksinin tikintisi üzrə tədbirlər haqqında” sərəncam imzalayıb.
Əliyev Bakı Şəhər İcra Hakimiyyətinə Binəqədi rayonunda yeni məscid kompleksinin tikintisi üçün torpaq sahəsi ayırmağı tapşırıb.
Prezident yeni məscid kompleksinin layihəsinin hazırlanması və tikintisi üçün 2012-ci il üçün öz Ehtiyat Fondundan Bakı Şəhər İcra Hakimiyyətinə ilkin olaraq 10 milyon manat ayırıb.
Prezidentin sərəncamından yeni məscid kompleksinin kimin idarəetməsində olacağı aydın deyil. Məlum olduğu kimi, Azərbaycanda din dövlətdən ayrıdır və Bakı meriyası layihəni həyata keçirdikdən sonra məscid kompleksini hər-hansı bir dini icmaya verməlidir. Çox güman ki, bu, hökumətə loyal olan QMİ olacaq.
Maraqlıdır ki, yeni məscid kompleksinin tikintisi haqqında qərar 3 il ərzində Bakının mərkəzi hissəsində iki böyük məscidin – “Əbu-Bəkr” və “Şəhidlər” məscidlərinin bağlanması fonunda qəbul edilib. Bu məscidlərin icmaları QMİ-yə faktiki tabe deyildi.
Yeni məscid kompleksinin tikintisi qərarı, görünür, həm də məscidlərin bağlanması, dindarların təqibi, hicabla bağlı məhdudiyyətlərlə bağlı islam dünyasında Azərbaycan hakimiyyətinin son illər korlanmış nüfuzunun yaxşılaşdırılmasına da yönəlib.
Bu qərara həm də sayı gündən-günə artmaqda olan Azərbaycan dindarlarına reverans kimi də baxmaq olar. “Ərəb baharı” göstərir ki, bu kateqoriya əhalinin maraqlarına daim məhəl qoyulmaması hakim elita üçün acınacaqlı nəticələrə gətirib çıxarır.
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz