Əcnəbilərin qeydiyyatı ilə bağlı yeni qaydalar miqrantların izlənməsinə imkan yaradacaq

 Martın 5-də Milli Məclis Azərbaycanda daimi yaşayan vətəndaşlığı olmayan şəxslərin və 30 gündən çox yaşayan xarici vətəndaşların sənədləri haqqında” və “Yaşayış yeri üzrə qeydiyyat haqqında” qanunlara düzəlişləri qəbul edib. 

Bu dəyişikliklər ekspertlər tərəfindən birmənalı qarşılanmayıb. Miqrasiya Mərkəzinin rəhbəri Əlövsət Əliyev yeni düzəlişləri Turan-a şərh edərkən bildirib ki, bu qanunlara dəyişikliklər qəbul edən tərəf üçün aktualdır və xarici qonaqları bürokratik əngəllərdən xilas edir.

Əgər  “Yaşayış yeri üzrə qeydiyyat haqqında” qanunun 11-ci maddəsinin  (əcnəbinin yaşayış yeri üzrə qeydiyyatı) yeni əvvəlki redaksiyası turistin özünün miqrasiya sənədlərini doldurması üzrə şəxsi məsuliyyətini, onu qəbul edən idarənin və ya yataqxananın, mehmanxananın, sanatoriyanın və ya digər qurumun yalnız problemin texniki tərəfi ilə məşğul olmasını nəzərdə tuturdusa,  hazırda vəziyyət dəyişib.

Bundan sonra “sahibsiz” əcnəbilər olmayacaq və hökumət ölkəyə gələn qonaqların təhlükəsizliyinə əməl olunması adı altında miqrasiya axınını asanlıqla izləyəcək. 

Əgər əvvəllər ölkəyə gələn əcnəbi təcili olaraq ərizə-anketi dolduraraq müəssisə administrasiyasının qeydiyyat vəsiqəsi ilə birlikdə ya yaşayış yerinin sahibinə (istifadəçisinə) verirdisə, onlar isə  gün ərzində sənədləri müvafiq dövlət orqanlarına təqdim edirdisə, aprelin 1-dən administrasiya özü 2 iş günü ərzində bununla məşğul olacaq.

Ə.Əliyevin sözlərinə görə, martın 5-də edilmiş dəyişikliklərin ardınca yaz sessiyasında (prezident seçkilərinə qədər) İnzibati Xətalar Məcəlləsinə əcnəbilərin qeydiyyatı qaydalarını pozan Azərbaycan vətəndaşlarına qarşı cərimə və digər sanksiyaları sərtləşdirən düzəlişlər qəbul olunacaq.    --17D—