Bakı istintaq təcridxanasında saxlanılan vətəndaş cəmiyyəti fəalı İlham Əmiraslanov iki həftədir ki, Ədliyyə Nazirliyinin Tibb İdarəsində müayinədən keçə bilmir. İyunun 22-də ombudsman aparatının təcridxana rəhbərliyinə müraciətindən sonra da bununla bağlı heç bir iş görülməyib.
Sabirabad rayonu Əsgərbəyli kənd sakini İlham Əmiraslanov iyunun 8-də odlu silah saxlamaq ittihamı ilə həbs olunub. İşgəncələr altında silah saxladığını etiraf edən İ.Əmiraslanov vəkil Samir İsayevlə ilk görüşündə ifadə verməkdən imtina edib və DİN Baş Mütəşəkkil Cinayətkarlığa Qarşı Mübarizə İdarəsinin əməkdaşlarının hərəkətlərindən Baş Prokurorluğa şikayət yazıb.
İ.Əmiraslanov inidəyədək ağrılardan, halsızlıqdan şikayət edir. Vəkil güman edir ki, döyülmə nəticəsində onun qulaq pərdəsi zədələnib.
S.İsayev Turan-a bildirib ki, prokurorluq İ.Əmiraslanovun məktubunda göstərilən faktlarla bağlı təhqiqata başlayıb.
“Kür” Vətəndaş Cəmiyyəti Qərargahının üzvü İlham Əmiraslanov iki il daşqından zərər çəkənlərin hüquqlarını fəal müdafiə edib. FHN rəhbəri Kəmaləddin Heydərovla görüşdən 3 gün sonra, iyunun 8-də həbs olunub. İ.Əmiraslanovun həbsi milli və beynəlxalq qanunvericiliyin pozulması ilə müşayiət olunub.
“Kür” qərargahı 2010-cu ildə daşqından zərər çəkənlərin hüquqlarını müdafiə məqsədilə ölkə QHT-ləri tərəfindən yaradılıb. —0—
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz