“Mən AŞPA-nın Dağlıq Qarabağ üzrə alt komitəsinin fəaliyyətinə tərəfdar deyiləm, çünki ATƏT-in Minsk Qrupu var. Bu qrup münaqişə ilə məşğul olur və mən ona öz funksiyasını yerinə yetirmək və nəticə əldə etmək üçün imkan verilməsini düzgün hesab edirəm”, - AŞPA-nın prezidenti Jan Klod Minyon bu gün Strasburda keçirilən mətbuat konfransında alt komitənin işinin bərpasının mümkünlüyü ilə bağlı sualın cavabında bildirib.
O, AŞPA-nın deyil, öz şəxsi fikrini söylədiyini qeyd edib. Nazirlər Komitəsinin Bürosu Ermənistan və Azərbaycan nümayəndə heyətləri ilə bu məsələni müzakirə edəcək. “Əgər Büro alt komitənin işinin davam etdirilməsi barədə qərar qəbul edərsə, belə də olacaq”, - Minyon vurğulayıb.
Eyni zamanda o etiraf edib ki, Minsk Qrupu effektiv fəaliyyət göstərməli və daha da operativ olmalıdır. Lakin eyni funksiyanın bir neçə qurum tərəfindən yerinə yetirilməsinə lüzum yoxdur. -06V-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz