Ekologiya və Təbii Sərvətlər Nazirliyi ovlanmasına icazə verilən heyvan növlərinin siyahısını açıqlayıb
Bakı/11.10.18/Turan: Ekologiya və Təbii Sərvətlər Nazirliyi 2018-2019-cu illər ov mövsümündə ovlanmasına icazə verilən heyvan növlərinin adlarını açıqlayıb.Bunlar qaban, dovşan, cüllüt, qaz, ördək və qaşqaldaqdır.
Qaban ovu sentyabrın 15-dən başlayıb və dekabrın 22-də bitəcək. Qaban ovu Lənkəran, Astara, Lerik, Qax, Cəlilabad, Zaqatala, İmişli, Qusar, Xaçmaz, Neftçala, Yardımlı, İsmayıllı və Şəkinin müvafiq ov sahələrində və ovçuluq təsərrüfatlarında mümkündür.
Dovşan ovu noyabrın 17-dən yanvarın 12-dək Dəvəçi, Kürdəmir, Salyan, Neftçala, Cəlilabad, Biləsuvar, Yevlax, Lənkəran, Zaqatala, Ağstafa, Qazax, Zərdab, Masallı, Quba, Xaçmaz, İmişli, Sabirabad, Saatlı rayonlarının müvafiq ov sahələrində və ovçuluq təsərrüfatlarında olacaq.
Cüllüt ovuna sentyabrın 15-dən icazə verilib və noyabrın 24-dək davam edəcək. Ovçuluq təsərrüfatlarının ərazilərində və xüsusi müəyyən olunmuş ov sahələrində ovlanması mümkündür.
Qaz, ördək, qaşqaldağın ovlanma müddəti oktyabrın 13-dən martın 1-dək davam edəcək. Bu quşların yalnız ovçuluq təsərrüfatlarının ərazilərində və xüsusi müəyyən olunmuş ov sahələrində ovlanmasına icazə veriləcək
Ağdam, Göygöl, Goranboy, Daşkəsən, Gədəbəy, Tərtər və digər sərhədyanı və cəbhə zonasına yaxın inzibati rayonların ərazilərində, Xəzər dənizinin adalarında, yaşıl zonalarda, şəhər və kurortlara 1,5 kilometrə qədər yaxın sahələrdə, xüsusi mühafizə olunan ərazilərdə, sanitar-mühafizə zonalarında ov etmək qadağandır.
Qeyd edək ki, ölkə ərazisindən 10-a yaxın iri ovçuluq təsərrüfatı ərazilsi və xüsusi müəyyən olunmuş ov sahələri var.
Ekologiya və Təbii Sərvətlər Nazirliyinin məlumatında bir ov zamanı neçə heyvanın vurulmasına icazə verildiyi açıqlanmayıb. Bundan öncə nazirlik bildirmişdi ki, bir ov zamanı bir qaban (ən azı üç ovçu), altı qaşqaldaq, bir qaz, üç ördək və bir dovşanın ovlanmasına icazə verilir.
Ova Ekologiya və Təbii Sərvətlər Nazirliyinin lisenziyası və ovçuluq biletinin olması şərtilə icazə verilir.02D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz