Azərbaycanın eks-prezidenti Əbülfəz Elçibəyin xanımı Həlimə Əliyevanın cənazəsi Naxçıvanın Ordubad rayonunun Kələki kəndinə aparılıb. Bu barədə mərhumun yaxınları bildirib.
Cənazə xüsusi təyyarə reysilə Naxçıvana aparılıb, aeroportdan isə Kələki kəndinə "təcili yardım" maşını ilə gətirilib. Cənazəni H.Əliyevanın yaxınları ilə birgə eks-prezident Əbülfəz Elçibəyin silahdaşları müşayiət ediblər.
H. Əliyeva iyunun 15-də Kələki kənd qəbiristanlığında torpağa tapşırılacaq.
Dəfn mərasiminə Türkiyə Böyük Millət Məclisi üzvlərinin də qatılacağı gözlənilir.
Xatırladaq ki, H.Əliyeva İstanbula müalicə almağa gedib. İyunun 14-də günorta saatlarında vəziyyəti kəskin pisləşib və dünyasını dəyişib. Onun nəşi gecə saatlarında Bakıya gətirilib və bu gün səhər erkən saatlarda Kələki kəndinə yola salınıb.
Əbülfəz Elçibəy 1992-93-cü illərdə Azərbaycanın prezidenti olub.--0--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz