Bakı/06.08.18/Turan: Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Mərkəzi avqustun 6-na keçən gecə "www.az24saat.org" saytına xəbərdarlıq məktubu göndərib. Məktubu mərkəzin direktoru Faiq Fərmanov imzalayıb.
Mərkəz saytın rəhbərliyindən "Prezidentin köməkçisi Əli Həsənov AZTV-yə sədr göndərilə bilər" (3 avqust 2018-ci ildə dərc edilib), "Mətbuat şurası Əli Həsənovun ad gününə Qurultay hədiyyə etdi" (10 avqust 2018), "İlham Əliyevə yanlış məlumat verən şəxs ƏLİ HƏSƏNOVDUR?" (1 fevral 2018), "APA-nı kim, niyə bağladı?" (3 avqust 2018) sərlövhəli məqalələri saytdan götürməyi tələb edib.
Mərkəz bu nəşrlərdə böhtan və yalan olduğunu iddia edir.
"İnformasiya, informasiyalaşdırma və informasiyanın mühafizəsi haqqında" Qanunun 13-3-cü maddəsinə uyğun olaraq, Elektron Təhlükəsizlik Mərkəzi 8 saat ərzində müvafiq məlumatları saytdan götürməyi tələb edib.
Öz növbəsində, saytın rəhbəri Vüqar Qurdqanlı deyib: "Sözügedən məqalələrdə hər hansı qərəz, böhtan yoxdur, informativ xarakterli yazılardır". -06D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz