Bakı/24.01.22/Turan: Yanvarın 24-də "Müdafiə xətti" hüquq- müdafiə təşkilatının Bakı ofisində Vətəndaş və İnkişaf Partiyasının sədri, yanvarın 13-də 5 ay müddətinə həbs edilmiş Əli Əliyevin hüquqlarını Müdafiə Komitəsinin ilk toplantısı keçirilib.
Komitənin 147 üzvü var, lakin pandemiya və otaq sahəsinin məhdudluğu ilə əlaqədar toplantıda xüsusi dəvət olunmuşlar iştirak ediblər.
Çıxışçılar qeyd ediblər ki, Əli Əliyevin həbsi və bir sıra jurnalistlərin, ictimai xadimlərin həbsi, müxalifətçilərin döyülməsi Azərbaycanda vətəndaş azadlıqlarının və söz azadlığının boğulması siyasətinin tərkib hissəsidir və bu siyasət ötən ildən daha da güclənib.
Artıq Azərbaycanda təkcə tənqidlərə görə yox, həm də bu və ya digər hadisənin versiyasının səsləndirilməsinə görə həbs edirlər. Sərhəd qoşunlarının vertolyotunun qəzaya uğraması bağlı belə olub. Faciənin gecikmiş rəsmi səbəbləri cəmiyyətdə geniş skepsisə səbəb olub və rəsmi versiyaya şübhə edənlərdən biri Əli Əliyev olub, Azərbaycan Xalq Cəbhəsi Partiyası Rəyasət Heyətinin üzvü Fuad Qəhrəmanlı deyib.
Turan İnformasiya Agentliyinin direktoru Mehman Əliyevin fikrincə, diffamasiya ittihamı ilə jurnalistlərin, ictimai və siyasi xadimlərin həbsi, media haqqında repressiv qanunun qəbul edilməsi milyonlarla adamı birləşdirən Azərbaycan informasiya cameəsinin azadlığının məhdudlaşdırılması üzrə siyasətin tərkib hissəsidir və cəmiyyət bu siyasətə “yox” deməlidir.
Toplantı iştirakçıları Əli Əliyevin azadlığa buraxılması, Azərbaycanda repressiyalara və söz azaldığının boğulmasına son qoyulması üçün ictimaiyyətə və beynəlxalq birliyə səyləri birləşdirmək çağırışı ilə çıxış etmək qərarına gəliblər.
Əli Əliyevə qarşı iddianı Sərhəd Xidmətinin polkovnik-leytenantı Emil Cəfərov qaldırıb.
Qeyd edək ki, Əliyevə qarşı daha bir analoji iddianı Sərhəd Xidmətinin digər zabiti Ramin Adilov irəli sürüb. Onlar noyabrın 30-da Xızı rayonunda Mi-17 vertolyotunun qəzaya uğraması zamanı sağ qalıblar.
İddiaya Əliyevin "Osmanqızı TV" Youtube kanalının 9 dekabr 2021-ci il tarixli buraxlışına müsahibəsi səbəb olub.
Əsasən Əliyev ehtimal edib ki, vertolyot kənardan təxribat nəticəsində qəzaya uğraya bilərdi, odur ki, Sərhəd Xidmətinin vertolyotuna hücum Azərbaycanın sərhədlərinə hücum kimi qiymətləndirilməlidir.
Əliyev təxribatın arxasında Azərbaycanın sərhədlərini çoxdan nəzarətə götürməyə can atan Rusiyanın durduğunu istisna etməyib.—0—
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz