Elmlər Akademiyası bildirir ki, Botanika Bağında ağacların kəsilməsi elmi əhəmiyyət daşıyır

Azərbaycan Milli Elmlər Akademiyası Mərkəzi Botanika Bağında ağacların kəsilməsi ilə bağlı açıqlama yayıb. AMEA-nın məlumatında deyilir ki, Botanika Bağında “rekonstruksiya və abadlıq üzrə elmi əhəmiyyətli işlər aparılır”.

Belə ki, şitil üçün 0,5 ha sahədən müxtəlif ağac növləri başqa yerə köçürülüb. Bu sahə Badamdar şossesi, 40 ünvanında yerləşir. “Burada yeni bitkilər əkilir ki, bunlar da təbii  genefondun zənginləşdirilməsində mühüm rol oynayır”.

Bağın elmi işlər üzrə direktor müavini, biologiya üzrə fəlsəfə doktoru Vahid Fərzəliyev bildirib ki, təbii genefondun zənginləşdirilməsi üçün “ağacların seyrək əkildiyi” sahə yararlıdır.

Hazırda bitkilərin yenidən köçürülməsi və əkilməsi üzrə işlər həyata keçirilir. Bu məqsədlə həmin sahədən effektiv istifadə olunur. Əkilən bitkilər arasında “kökləri çox dərinə getməyən bitkilər üstünlük təşkil edir ki, bunlar da müxtəlif çiçək növləridir”.

“Gələcəkdə burada AMEA-nın, eləcə də ümumilikdə Azərbaycan elminin inkişafı məqsədilə tədbirlərin keçirilməsi üçün əlavə imkanların yaradılması nəzərdə tutulur

Məlumatda o da deyilir ki, “KİV-də yayımlanan kəsilmiş ağac fotoları (yəni fotolardakı ağaclar) Mərkəzi Botanika Bağına aid deyil”.

Bu məlumatın dil üslübu ayrıca şərh tələb edir. Məlumatdan belə çıxır ki, ağacların kütləvi kəsilməsi ilə bağlı qalmaqal ciddi elmi eksperiment imiş. Nə deyək, botaniklərimizə yeni uğular diləyilik, ama ağaclar heyifdir. -02В-