![Türkmənistan Xəzərin statusu məsələsində nikbindir](https://turan.az/resized/media/2014/main/041200075306-750-500-resize.webp)
Türkmənistan Xəzərin statusu məsələsində nikbindir
Türkmənistan aprelin 22-də Moskvada keçiriləcək Xəzəryanı dövlətlərin xarici işlər nazirləri səviyyəsində məsləhətləşmələrdə iştirak edəcək. Turkmenistan.ru bildirir ki, bu məsələ hökumətin iclasında xüsusi olaraq müzakirə edilib.
Məsələ ilə bağlı çıxış edən baş nazirin müavini, Türkmənistan XİN rəhbəri Rəşid Meredov deyib ki, qarşıdakı məsləhətləşmələrin gündəliyinə Xəzəryanı ölkələrin dövlət başçılarının dördüncü sammitinə hazırlıq məsələsi də daxildir. Sammit bu ilin sentyabrında Həştərxanda keçiriləcək.
Prezident Qurbanqulı Berdımühəmmədov dördüncü sammitin əhəmiyyətini yüksək qiymətləndirib və deyib ki, bu, Xəzərlə bağlı aktual məsələlərin həlli üzrə konsensusa nail olunmasına yönələn danışıqlar prosesinə yeni təkan verəcək.
Qeyd edək ki, R.Meredov bu yaxınlarda Bakıda olub, prezident İlham Əliyevlə Xəzərin statusu məsələsini müzakirə edib. Qeyri-rəsmi məlumatlara görə, həmçinin mübahisəli neft-qaz yataqlarının taleyinə, Transxəzər qaz kəmərinin inşasının perspektivlərinə toxunulub.
R.Meredov Bakı danışıqlarının nəticələrindən razı qalıb. O, Aşqabada rəsmi səfərlə bağlı Türkmənistan prezidentinin dəvətini İ.Əliyevə təqdim edib.02D-
-
- Cəmiyyət
- 12 Aprel 2014 13:28
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz