Ə.Məmmədli: bir sərəncamla cəzanı humanistləşdirmək olmaz

Azərbaycan prezidentinin cəza sisteminin humanistləşdirilməsi və Probasiya Xidməti yaradılması haqqında sərəncamında bu sahədə islahatlar üzrə ciddi addımlar nəzərdə tutulub. Amma bir sərəncamla vəziyyətin real olaraq yaxşılaşdırılmasına nail olmaq olmaz, kompleks məhkəmə-hüquq islahatları və cinayət qanunvericiliyinin və inzibati qanunvericiliyin liberallaşdırılmasına ehtiyac var.

Bu fikri Turan-a müsahibəsində hüquq sahəsində ekspert, Vətəndaş Cəmiyyəti Platformasının üzvü Ələsgər Məmmədli bildirib.

O, dövlət başçısının məhkəməyə qədərki həbslərin və azadlıqdan məhrumetmə ilə bağlı olmayan cəzaların məhdudlaşdırılması üzrə tövsiyələrini müsbət qiymətləndirib. Amma son illər parlament tamamilə əks istiqamətdə fəaliyyət göstərib. Belə ki, inzibati həbslərin, habelə azadlıqdan məhrumetmə qətimkan tədbirlərinin müddəti uzadılıb.

Bundan başqa, parlament CM-ə "yeni cinayət əməlləri" ifadəsi daxil edib, diffamasiyaya və bir sıra digər maddələrə görə cəzaları sərtləşdirib.

"Parlament cəmiyyətin qayğısına qalmalıdır, cəzaları necə sərtləşdirmək barədə düşünməməlidir", deyə Məmmədli bildirib.

Digər tərəfdən, məhkəmə sisteminin özündə islahatlar aparılmalı, məhkəmələrin prokurorluğun fərmanlarını yerinə yetirməsi, qeyri-propirsional cəzalar çıxarması təcrübəsini aradan qaldırmaq lazımdır. Buna görə qanunvericilikdə və bu sahədə təcrübədə real islahatlar üçün parlamentin özü və məhkəmə korpusu yenilənməlidir, ekspert belə hesab edir. –06D-