Açiq mənbələrdən foto.
Bakı/19.07.22/Turan: Bakı Ağır Cinayətlər Məhkəməsində jurnalist və LGBT+ fəalı Əvəz Şıxməmmədovun (Hafizli) qətlində ittiham olunan Əmrulla Güləliyevin işi üzrə proses davam edir.
Müttəhim irəli sürülən ittiham üzrə günahını etiraf edib. O bildirib ki, Şıxməmmədov öz qohumlarını rüsvay edib və məhz buna görə qətlə yetirilib.
İstintaqda Güləliyev qətli cinayətdən 3 ay öncə planlaşdırdığını qeyd etsə də, məhkəmədə bildirib ki, Hafizlini öldürmək niyyətində olmayıb və qətli emosional vəziyyətdə törədib.
Əvəz Hafizlinin anası Cəmalə bildirib ki, oğlu yatarkən Güləliyev onu öldürüb və qatil üçün maksimum cəza tələb edib.
Amma mərhumun qardaşı Təbriz Şıxməmmədov müttəhimə qarşı iradının olmadığını deyib. Zərərçəkmişin varislərinin mövqelərindəki fikir ayrılıqları ilə əlaqədar prokuror mərhumun anasının varis kimi tanınmasını və bu statusun onun qardaşının üzərindən götürülməsini təklif edib. Qadın düşünmək üçün vaxt istəyib. Proses iyulun 25-nə keçirilib.
Məhkəmə binasının qarşısında toplaşan fəallar bildiriblər ki, Hafizlinin ölümü nifrət zəminində törədilib, deməli, siyasi cinayətdir. Onlar "Əvəzin qatili dövlətdir " və “Nifrət qətlləri siyasidir!” "Nifrət zəminində qətllər siyasi xarakter daşıyır!” yazılmış plakatlar qaldırıblar.
*Əvəz Şıxməmmədov (Hafizli) bu il fevralın 22-də qohumu Əmrullah Güləliyev tərəfindən qətlə yetirilib. Sonuncu bildirib ki, cinayəti münaqişə zamanı və sərxoş vəziyyətdə törədib.
Əvəz Hafizli reportyor idi və LGBTİ+ icması nümayəndələrinə qarşı təqibləri və etiraz aksiyalarını işıqlandırırdı. O, açıq təhdidlərə məruz qalıb və təqibdə günahlandırılanların cəzalandırılması tələbilə təkbaşına aksiyalar keçirib. 30B06
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz