Bakı/13.10.18/Turan: Dünən bir qrup fəal tərəfindən vətəndaş cəmiyyətinin hazırki vəziyyəti və vəziyyətdən çıxış yolları mövzusunda dinləmələr təşkil edilib.
Müzakirə iştirakçıları vətəndaş cəmiyyətinin problemlərinin aradan qaldırılması üçün 2013-cü ilə qədər mövcud olan qanunvericiliyə qayıtmaq lazım olduğu barədə həmrəy olublar.
Həmçinin vətəndaş cəmiyyəti institutlarına qarşı real siyasətin liberallaşdırılması, məhkəmələrdə vəkil olmayan şəxslər tərəfindən nümayəndəlik institutunun bərpa edilməsi zərurəti qeyd edilib.
Azərbaycanda vətəndaşların hüquqlarının müdafiəsi heç vaxt indiki qədər zəif olmayıb, Helsinki Vətəndaş Assambleyasının həmsədri Arzu Abdullayeva belə hesab edir. QHT-lərin hazırki vəziyyəti insan hüquqları sahəsində vəziyyətə çox mənfi təsir edir.
"İnsanlar dövlət, məhkəmə və QHT-lər tərəfindən hüquqlarının müdafiəsinə nail ola bilmirlər. İnsanlar özlərini müdafiəsiz hiss edirlər və bu təmayül getdikcə daha da güclənir", deyə o bildirib.
"Sumqayıt gənclərinin hüquqi maarifləndirilməsi" QHT-nin rəhbəri Elçin Məmməd qeyd edib ki, nümayəndəlik institutunun ləğvindən sonra vətəndaşlar problemli kreditlərlə əlaqədar faktiki olaraq müdafiəsiz qalıblar. Məhkəmələrdə şikayətlərin əksəriyyəti məhz bununla bağlıdır.
Qadın Hüquqlarını Müdafiə Cəmiyyətinin rəhbəri Novella Cəfəroğlu beynəlxalq donorların Azərbaycanda fəaliyyətinə məhdudiyyətin aradan qaldırılmasını zəruri hesab edir. Bu, Azərbaycanın beynəlxlaq imicinə müsbət təsir edə bilərdi, deyə o bildirib.
Neftçilərin Hüquqlarını Müdafiə İctimai Birliyinin rəhbəri Mirvari Qəhrəmanı QHT-lərə təzyiqin davam etməsindən şikayət edib. 2014-cü ildə QHT-lərə qarşı cinayət işləri açılıbsa və bank hesabları dondurulubsa, indi onları fəaliyyətinin monitorinqini fəalların apardığı şirkətlər təqib edir, deyə Qəhrəmanlı bildirib. -06D-
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz