Açiq mənbələrdən foto.
Fərrux yüksəkliyində azərbaycanlı hərbçilərə aid olduğu ehtimal edilən cəsəd qalıqları aşkarlanıb
Bakı/31.03.22/Turan: Azərbaycanın işğaldan azad edilmiş ərazilərində Birinci Qarabağ Müharibəsində itkin düşmüş vətəndaşlara aid məzar yerlərinin müəyyən olunması və eksqumasiyası davam etdirilir. Bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyasının məlumatında deyilir .
Bu istiqamətdə aparılan növbəti tədbirlər zamanı 2022-ci il martın 28-də Xocalı rayonu ərazisindəki Fərrux yüksəkliyində bir neçə adama aid naməlum cəsəd qalıqları aşkarlanıb.
90-cı illərin əvvəlində bu yüksəklik uğrunda ağır döyüşlərin getdiyini nəzərə alınaraq tapılan cəsəd qalıqlarının şəhid olmuş Azərbaycan hərbçilərinə aid olduğu ehtimal edilir. Yaxın vaxtlarda onlar ekspertiza üçün aidiyyatı orqanlara veriləcək.
Komissiya bildirir ki, Fərrux yüksəkliyi uğrunda döyüşlərdə 62 nəfər azərbaycanlı hərbçi itkin düşüb. Fərrux yüksəkliyinin yaxınlığında Pirlər kəndində (Xramort) 46, Əliağalı kəndində 11 nəfər azərbaycanlı hərbçi itkin düşüb.
Fərrux yüksəkliyində və ətrafında kütləvi məzar yerlərinin olması ehtimalı nəzərə alınaraq, mütəxəssislərdən ibarət heyət tərəfindən ərazidə axtarış və müvafiq eksqumasiya tədbirlərinin aparılması planlaşdırılır.
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz