![FHN məhkəmələri boykot edir](https://turan.az/resized/750/500/resize/media/2012/main/092500012366.jpg)
FHN məhkəmələri boykot edir
Bazar ertəsi Şirvan Apellyasiya Məhkəməsində 2010-cu ilin daşqınlarından əziyyət çəkmiş bir qrup vətəndaşın Fövqəladə Hallar Nazirliyinə qarşı iddiasına baxılıb. Şikayətlər əsasən pul kompensasiyalarının ödənilməməsi, evlərin bərpası və tikintisi ilə bağlı hökumətin sərəncamlarının yerinə yetirilməməsinə aiddir.
Ötən dəfə (digər bir qrup şikayətçinin iddiası üzrə iş) olduğu kimi bu dəfə də FHN nümayəndələri məhkəməyə gəlməyiblər.
Məhkəmə 15 gün ərzində FHN-in vətəndaşların şikayət iddiaları üzrə cavab təqdim etməsi barədə qərar çıxarıb.
Yarımillik fasilədən sonra Şirvanda vətəndaşların iddiaları üzrə məhkəmə prosesləri bərpa olunub. Belə ki, yazın əvvəllərində iddiaçıların məhkəmədə iştirakının asanlaşdırılması məqsədilə məhkəmə iclaslarının Bakıdan Şirvana keçirilməsi barədə qərar qəbul olunub.
Əslində hakimiyyət FHN-in yerləşdiyi yer üzrə -1 saylı Bakı İnzibati İqtisad Məhkəməsində məhkəmə proseslərinin keçirilməsini yubadıb.
2010-cu ilin payızından ümumilikdə FHN və hökumətə qarşı 130 iddia qaldırılıb. Lakin onlardan 10-u üzrə qərar qəbul olunub. İddiaların bir hissəsi təmin olunub, bəziləri olunmayıb. İki iddia üzrə şikayətlər Avropa İnsan Hüquqları Məhkəməsinə göndərilib.
Məhkəmədə zərərçəkənlərin hüquqlarını “Kür” qərargahının koordinatoru Oqtay Gülalıyev və vəkil Fariz Namazlı müdafiə ediblər.
2010-cu ilin yazında 8 rayon daşqına məruz qalmışdı.
100 min ha ərazini, 20 mindən çox evi su basmışdı.
Hökumət daşqının nəticələrinin aradan qaldırılması üçün 500 mln. manat ayırsa da, qarşıya qoyulan vəzifələr tam yerinə yetirilməyib. Daşqının nəticələrinin aradan qaldırılması korrupsiya, vəsaitlərin mənimsənilməsi, vətəndaşların hüquqlarının pozulması ilə müşayiət olunub.—0—
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz