Jam.az saytının redaktoru Fikrət Fərəməzoğluna qarşı yeni daha ağır ittihamlar irəli sürülüb.
O, 2016-cı il iyunun 30-da həbs olunub və hədə-qorxu ilə tələb etməkdə ittiham olunub. DİN-in məlumatına görə, jurnalist sahibkardan 3000 manat ölçüsündə rüşvət alarkən saxlanılıb.
Bu gün həmçinin qabaqcadan əlbir olan bir qrup şəxs tərəfindən, təkrar, xeyli miqdarda əmlak əldə etmək məqsədi ilə hədə-qorxu ilə tələb etmək ittihamı irəli sürülüb. Bu barədə Turan-a vəkil Elçin Sadıqov bildirib.
Əvvəlki ittihamla Fərəməzoğlunu 3 ildən 5 ilədək həbs gözlənilirdisə, indi əmlakı müsadirə olunmaqla, 5 ildən 10 ilədək həbs gözlənilir.
Vəkil yeni ittihamları absurd hesab edir.
“İttihamların kökündə Fikrət Fərəməzoğlunun yazıları durur. Kommersiya obyekti sahibləri şikayət ediblər ki, guya Fikrət Fərəməzoğlunun yazıları qərəzlidir, yalandır, onların şərəf və ləyaqətini ləkələyir. Habelə jurnalist bu yazıları onlardan pul tələb etmək məqsədilə yazıb. Lakin, ortada pul tələb edilməsi ilə bağlı heç bir sübut yoxdur”, deyə vəkil bildirib.
“İstintaq qarşısında F.Fərəməzoğlunun obyekt sahibləri ilə təmasının olmamasını sübut etmək üçün vəsatətlər qaldırmışıq. Yəni jurnalistin və onların mobil telefon lokalizasiyalarının, danışıqların əldə edilməsi, jurnalistin cibinə qoyulmuş pulların üzərindəki əl-barmaq izlərinin çıxarılması, kimə məxsus olduğunun müəyyən edilməsi barədə”, deyə Sadıqov qeyd edib.
DİN Fərəməzoğlunun bir qrup şəxslə birlikdə bir çox sahibkarları və vəzifəli şəxsləri nüfuzdan salan nəşrlərlə şantaj edərək, onlardan böyük məbləğdə pul aldığını iddia edib.
Hüquq müdafiəçiləri Fərəməzoğlunu siyasi məhbus kimi tanıyıblar. -06B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz