Bakı/08.05.18/Turan: Mayın 8-də Ağır Cinayətlər Məhkəməsində "Gündəlik Bakı" qəzetinin redaktoru Qabil Hüseynovun barəsində hökm oxunub.
Məhkəmə onu təqsirli bilərək 4 il azadlıqdan məhrum edib. Prokuror redaktorun 7,5 il müddətinə həbs olunmasını istəyib.
"Gündəlik Bakı" qəzetinin redaktoru Qabil Hüseynov 2016-cı ilin dekabrında hədə yolu ilə pul tələb etməkdə, səlahiyyəti olmadan əməliyyat-axtarış fəaliyyəti göstərməkdə şübhəli bilinərək həbs edilib.
Qeyd edək ki, Mətbuat Şurası "Gündəlik Bakı" qəzetini qanunvericiliyi pozaraq reketçiliklə məşğul olan nəşrlərin siyahısına daxil edib. -06D--
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz