![Hakim jurnalistlərin vəsatətini qəbul etməyib](https://turan.az/resized/./turan-750-500-resize.webp)
Hakim jurnalistlərin vəsatətini qəbul etməyib
Nərimanov rayon məhkəməsi müğənni Mətanət İsgəndərlinin “Aznevs.az” saytı ilə bağlı iddiasını icraata götürüb. Bu haqda Turan-a saytın redaktoru Elçin Zahidoğlu bildirib.
Onun sözlərinə görə, müdafiə tərəfi iddianın icraata götürülməməsi haqda məhkəməyə vəsatət təqdim etsə də, bu vəsatət qəbul olunmayıb. Hakim məhkəmə baxışını iynun 25-nə təyin edib.
Sayt rəhbərliyi məhkəməyə qədər müğənnilə barışıq haqda danışıqlar aparıb, öncə tərəflər arasında barış razılığı olub. Amma sonradan müğənni birtərəfli qaydada əldə olunan razılıqdan imtina edib.
Xatırladaq ki, iki ay öncə saytda müğənni Mətanət İsgəndərlinin “narkoman” olması haqda informasiya yer alıb. Bundan sonra müğənni şərəf və ləyaqətinin tapdanması ilə bağlı Nərimanov rayon məhkəməsinə iddia ilə müraciət edib.
M.İsgəndərli iddiasında sayt rəhbəri Elçin Zahidoğlu və informasiya müəllifi İntiqam Valehoğlunun 500 min manat təzminat ödəməsi tələbilə yanaşı, Cinayət Məcəlləsinin 147-ci maddəsilə xüsusi ittiham qaydasında cinayət işi qaldırılmasını tələb edir. -05B-
-
- İqtisadiyyat
- 19 İyun 2014 17:19
-
- Cəmiyyət
- 19 İyun 2014 18:34
Cəmiyyət
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
-
İyulun 17-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin günün birinci yarısında bəzi yerlərdə arabir yağış yağacağı gözlənilir. Mülayim şimal-qərb küləyi əsəcək.
-
Sosial şəbəkələrdə polis əməkdaşının vətəndaşın cibinə bir paket qoyduğuna, daha sonra şiddət tətbiq edərək onu saxladığına dair görüntülər yayılıb. Bu kadrların yayılmasından bir gün sonra DİN onlara münasibət bildirib.
-
Fövqəladə Hallar Nazirliyinin "112" qaynar telefon xəttinə Xızı rayonu, Yeni Yaşma qəsəbəsi ərazisində sursat aşkar edilməsi barədə məlumat daxil olub. Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Rəy yaz