«Milli Depozit Mərkəzi» MMC Bakıda Avrasiya Mərkəzi Depozitarlar Assosiasiyasının 11-ci beynəlxalq konfransını təşkil edir. Konfransın vaxtı dəqiqləşməyib.
MDM-in konfransın təşkili üçün xərcləri 40 000 manat qiymətləndirilir. Müsabiqə yolu ilə “Cracks Solutions” MMC təşkilatçı seçilib. Bu, yəqin ki, ilk praktikiş olacaq. Çünki o, bu ilin 10 aprelində yaradılıb.
MDM İH sədrinin vəzifəsini icra edən Aqşin Cahangirov Avrasiya Mərkəzi Depozitarlar Assosiasiyasının bir il müddətinə sədridir.
Qanunvericiliyin tələblərinə baxmayaraq, MDM 2012-2013-cü illər üçün hesabatını açıqlamır. Digər mərkəzi depozitarlar illik hesabtalarını qurumun saytında (http://www.aecsd.com) yerləşdirib.
1 yanvar 2012-ci il üçün MDM-in 49 əməkdaşı olub və 1645 səhm və istiqraz emitentinə xidmət göstərib. 2011-ci ildə gəlirləri 1 332,9 min manat, xalis mənfəəti 101,5 min manat olub.
Avrasiya Mərkəzi Depozitarlar Assosiasiyası MDB ölkələrinin mərkəzi depozitarlarının birliyidir. Qurumun məqsədi depozitar fəaliyyətin təkmilləşdirilməsi, vahid «depozitar məkan» yaradılması, MDB mərkəzi depozitarlarının ümumdünya hesablaşma sisteminə qoşulmasıdır. --08D—
İqtisadiyyat
-
Silk Way Alat Azad İqtisadi Zonası (SW AFEZCO) inkişafının transformasiya mərhələsinə daxil olub. Şirkət Alat Azad İqtisadi Zonasında (AFEZ) Silk Way Cargo Village-in layihələndirilməsi və tikintisi üçün FF Construction ilə mühüm razılaşma imzalayıb. Bu iddialı layihə, Yük Kəndinin əsasını təşkil edəcək üç obyektin – hava hərəkətinə nəzarət mərkəzi, biznes aviasiya terminalı və yanğınsöndürmə stansiyasının planlaşdırılması, mühəndislik işləri və inşasını əhatə edir.
-
Azərbaycan Prezidenti İlham Əliyev Bakı Beynəlxalq Dəniz Ticarət Limanının yükaşırma qabiliyyətinin artırılması məqsədilə sərəncam imzalayıb. Limanın genişləndirilməsi layihəsi üçün Prezidentin ehtiyat fondundan 20 milyon manat (11,8 milyon ABŞ dolları) ayrılıb.
-
Antinhisar və İstehlak Bazarına Nəzarət Dövlət Xidməti ilə yanacaq sektoru üzrə sahibkarlar arasında keçirilən görüşdə həm mövcud problemlər, həm də irəliləyişə yönəlmiş ümidverici addımlar müzakirə edildi. İqtisadiyyat Nazirliyinin təşəbbüsü ilə təşkil olunan müzakirələrdə yanacaq keyfiyyəti məsələləri, istehlakçı hüquqlarının qorunması və ölkədə qəbul olunmuş standartlara riayət olunması kimi mövzular əhatə olundu. Azərbaycanda avtomobil yanacağı uzun müddətdir ki, mübahisəli bir məsələ olaraq qalır.
-
Azərbaycan 2024-cü ildə ərzaq ticarətində tarixi bir mərhələyə imza ataraq, ərzaq idxalının misli görünməmiş səviyyəyə çatdığını qeydə alıb. Dövlət Gömrük Komitəsinin məlumatına əsasən, ilin ilk on bir ayı ərzində ərzaq idxalı 2023-cü ilin eyni dövrü ilə müqayisədə 10,8% artaraq 2,19 milyard ABŞ dollarına çatıb. Bu rəqəm, keçən ilin 1,98 milyard dollarlıq göstəricisindən 213,9 milyon dollar çoxdur və daxili tələbatın kəskin artımını göstərir.
Rəy yaz