Avropa institutları Azərbaycanın vətəndaş cəmiyyətinə qarş məhdudiyyətlərdən narahatdır. Bununla əlaqədar olaraq, onlar müntəzəm olaraq hakimiyyət və vətəndaş cəmiyyəti nümayəndələrinin özləri ilə məsləhətləşmələr aparırlar. Bu barədə Gənclərin Analitik Əməkdaşlıq Assosiasiyasının rəhbəri Zaur Əkbər bu sahədə hazırki vəziyyəti şərh edərkən bildirib.
Onun sözlərinə görə, hazırda Aİ-nin “Şərq Tərəfdaşlığı” proqramı çərçivəsində Azərbaycanın vətəndaş cəmiyyətinə yardım göstərilməsi, demək olar ki, qeyri-mümkündür. Energetika sahəsində əməkdaşlıq istisna olmaqla, Azərbaycan Aİ çərçivəsində öhdəliklərini yerinə yetirmir.
Əkbər deyib ki, hakimiyyət əməkdaşlığa və dialoqa hazır olduğunu bildirir, lakin bu bəyanatlar imitasiya xarakteri daşıyır, belə ki, hakimiyyət öz təkliflərində səmimi deyil.
“Biz vətəndaş cəmiyyəti olaraq hökumətdən öz öhdəliklərini yerinə yetirməsini, vətəndaş cəmiyyəti ilə real dialoq tələb edirik. Amma bu, dəyirmi masa arxasında məclislər olmamalıdır. Cəmiyyəti narahat edən problemlərin həlli üçün mexanizmlər müzakirə olunmalı və qəbul edilməlidir”, deyə Əkbər qeyd edib. -16/03B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz