![Açiq mənbələrdən foto.](https://turan.az/resized/750/500/resize/media/2021/main/091000038162.jpg)
Açiq mənbələrdən foto.
Hansı hallarda əks-göstəriş sertifikatlarının verilməsindən imtina edilir?
Bakı/10.09.21/Turan: Peyvənd vurdurmağa qarşı əks-göstərişlərə görə poliklinikalara ən çox müraciətlər immun xəstəliklər, allergik və onkoloji xəstəliklər, hamiləlik, südvermə və epilepsiya xəstəliyilə bağlıdır. Bu barədə Səhiyyə Nazirliyinin məlumatında deyilir.
Əks-göstərişlər üzrə xüsusi komissiyanın üzvü Sevinc Məmmədova sertifikatların verilməsindən imtina ilə bağlı məsələyə aydınlıq gətirib.
" Əks-göstəriş haqda sənədin verilməsindən imtina ilə bağlı üç hal var. Birincisi, komissiya təqdim olunan diaqnoza görə sənədləri yoxlayır. Əgər idarə olunmayan epilepsiyadırsa və xəstənin dərman içməsinə baxmayaraq, qıcolma tutmaları olursa, bu halda diaqnozu elektroensefaloqramma əsasında yalnız nevropatoloq qoya bilər. Əgər kimdəsə qıcolma tutmaları olmur, yəni xəstəliyin remissiya dövründədir, onda əlbəttə ki, o insanlara bütün dünyada olduğu kimi, bizdə də “CoronaVac” vaksini vurmaq olar.
İkinci mənfi cavab mütəxəssis rəyi olmadığı zaman verilir. Məsələn, xəstələr müayinə və müalicə ilə bağlı terapevt tərəfindən yazılan arayış təqdim edirlər. Amma bizə onkoloji və allergik xəstəliklər zamanı allerqoloqun, onkoloqun və sair mütəxəssislərin rəyi lazımdır. Müraciət zamanı onkoloji xəstənin vəziyyəti stabildirsə, yəni heç bir limfa düyünlərinə və digər orqanlara metastazı yoxdursa, həmin şəxslər üçün vaksin əks-göstəriş deyil. Amma elə xəstələr var ki, onlar kimyaterapiya alırlar. Peyvənd istehsalatçının instruksiyasında yazılıb ki, onkoloji xəstəliyə görə immunsupresiv (zəiflədici) kimyaterapiya alan insanlar zəiflədici kimyaterapiyanı 2-4 həftəlik müddətə saxlasınlar. Onlar bu müddət ərzində peyvəndləməlidir və sonra immunsupresiv kimyaterapiyasını davam etməlidir. Bu zaman onlara müvəqqəti əks-göstəriş verilir, yəni sənəddə qeyd olunur ki, immunsupresiv kimyaterapiyası bitəndən sonra peyvəndi vurula bilər.
Sertifikatın verilməsindən başqa bir imtina hamiləliklə bağlıdır. Söhbət hamiləliyi təsdiqləyən sənədin
olmamasından gedir. Özəl klinikalarda ultrasəs müayinəsindən keçmək yetərli deyil. Qadınlar digər təsdiqedici sənədlər təqdim etməlidirlər”, - Məmmədova deyib.
Əks-göstəriş sertifikatının verilməsində gecikmələr tibb müəssisələrindən müraciətlərin say çoxluğu, əsassız müraciətlər və göndərilən sənədlərin bəzən düzgün doldurulmaması ilə əlqədar olur.
Bakıda iki komissiya fəaliyyət göstərir və hər komissiya həftədə 3 gün sənədləri qəbul edir. Bu komissiyaların hərəsinə təxminən 20-30 tibb müəssisəsi sənəd təqdim edir. –16D-
-
- İqtisadiyyat
- 10 Sentyabr 2021 16:13
-
- İqtisadiyyat
- 10 Sentyabr 2021 16:42
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz