Bakı/01.07.19/Turan: İyunun 29-30-da Qara dəniz tərəfdən Azərbaycan ərazisinə daxil olan soyuq hava kütləsi güclü yağıntı və küləyə səbəb olub.
Ekologiya və Təbii Sərvətlər Nazirliyi Hidrometeorologiya Departamentinin məlumatına görə, nəticədə havanın temperaturu xeyli enib, intensiv yağıntı yağıb və Azərbaycanın bir çox yerlərində güclü külək əsib.
Sutka ərzində Kiçik Qafqaz dağlarında 23 mm. yağıntı düşüb ki, bu da aylıq normanın 37%-ni təşkil edib.
Aran rayonlarında və Böyük Qafqaz zonasında yağıntının miqdarı iki dəfə az olub.
Naftalanda qərb küləyinin sürəti saniyədə 32 metr, Mingəçevirdə 28, Gəncədə 24, Abşeronda 28 metr olub.
Bakı ərazisində güclü külək 15 ağacı sındırıb, onlar iki ağaca ziyan vurub.
İyulun 1-də Bakıda və Abşeronda qısamüddətli yağıntı gözlənilir, güclü külək davam edəcək, lakin axşama doğru zəifləyəcək. Havanın temperaturu gündüz +23+26 dərəcə olacaq.
Ölkə rayonlarında leysan yağacaq, şimşək çaxacaq. Aran rayonlarında havanın temperaturu +25+30, dağlarda +18+23 dərəcə olacaq. -02D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz