Həbs müddəti bitməsinə baxmayaraq, fəal azadlığa buraxılmır
Bakı/21.09.19/Turan: Sentyabrın 2-də 15 gün müddətinə həbs edilmiş ictimai fəal Rafael Hüseynzadənin inzibati həbs müddəti sentyabrın 17-də başa çatıb. Həbs müddətinin başa çatmasından 4 gün keçməsinə baxmayaraq, onu həbsdən buraxmırlar, bu barədə vəkil Cavad Cavadov bildirib.
Maraqlıdır ki, sentyabrın 20-də Sumqayıt Apellyasiya Məhkəməsi Elman Əhmədovun sədrliyi ilə Hüseynzadənin qanunsuz həbsindən verdiyi şikayətə baxıb. Məhkəməyə sədrlik edən hakim Hüseynzadənin artıq cəzasını çəkdiyi və azadlıqda olduğu barədə qərar verib (!). Məhkəmənin bu qərarı məhkəmə sisteminin saytında yerləşdirilib.
Fəalın atası Füzuli Hüseynzadə bildirib ki, sentyabrın 3-də Abşeron rayon məhkəməsində ona bildiriblər ki, oğlu 30 gün müddətinə həbs edilib, baxmayaraq ki, prosesdə hakim onun 15 günlük həbs edildiyini elan edib.
Məhkəmə orqanlarından bu iş haqqında şərh almaq cəhdləri nəticə verməyib.
Xatırladaq ki, Rafael Hüseynzadə polisin özbaşınalığından şikayət etdikdən və avqustun sonlarında Bakının mərkəzində təkbaşına piket keçirdikdən sonra saxlanılıb. Buna cavab olaraq polis onu xuliqanlıqda ittiham edib.
Bundan əvvəl - yanvar və mart aylarında Rafael siyasi məhbuslara azadlıq tələbi ilə iki dəfə təkbaşına piket keçirib və iki dəfə inzibati qaydada həbs edilib.
Siyasi məhbusların müdafiəsi üçün təkbaşına piketlər keçirən atası Füzuli Hüseynov da iki dəfə inzibati qaydada həbs edilib. -02D-
Cəmiyyət
-
"Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər". Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.
-
Bakıda yaşıllıqların məhv edilməsi ictimaiyyətin narahatlığına səbəb olub, belə ki, bütün şəhər ərazisində bir neçə parkda tikinti işlərinin aparıldığı müşahidə olunub və sosial şəbəkələrdə işlərin gedişatını əks etdirən fotoşəkillər yayılıb. Maraqlıdır ki, Nərimanov rayonunda, “Dostluq” kinoteatrının yaxınlığındakı şəhidlər parkında sakinlər ağacların kəsildiyini və yüksək binaların tikintisi üçün ərazilərin hasara alındığını bildirirlər.
-
Çərşənbə axşamı Bakıda və Abşeron yarımadasında yağış yağacağı, bəzi yerlərdə intensiv xarakterli olacağı, şimşək çaxacağı gözlənilir. Şimal-qərb küləyi əsəcək.
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
Rəy yaz