Bakı/15.08.18/Turan: AXCP fəalı, 30 sutka inzibati həbs cəzası almış Zəfər Əhmədovun səhhəti kəskin pisləşib.
Onun xanımı Qənimət Əhmədova Turan-a bildirib ki, avqustun 13-də təcridxanada müxalifətçinin böyrəklərində güclü ağrılar başlayıb, təcili yardım çağırıblar. Fəala ağrıkəsici iynələr vurulub. Avqustun 14-də vəziyyəti bir qədər yaxşılaşıb. Lakin bir neçə saatdan sonra təkrar ağrı başlayıb.
Q.Əhmədova təcridxanaya ağrıkəsici dərmanlar və iynə verib. Onun sözlərinə görə, Z.Əhmədov böyrək xəstəliyindən əziyyət çəkir.
"Adətən ağrıları tutanda iki-üç gün davam edir", - o qeyd edib. Onun sözlərinə görə, həyat yoldaşı daim çoxlu su içməlidir, ancaq təcridxanada bu, mümkün deyil.
Z.Əhmədov iyulun 27-də saxlanılaraq Xətai Rayon Məhkəməsinə aparılıb. Məhkəmə ona 30 sutka inzibati həbs cəzası verib. O, polisin tələbinə tabe olmamaqda günahlandırılıb.
AXCP Z.Əhmədovun, eyni zamanda onun oğlu Fuad Əhmədlinin siyasi motivlərlə təqib olunduğunu bildirir.
** F.Əhmədli 2018-ci il avqustun 17-də "əməliyyat -axtarış fəaliyyəti haqqında qanunun normalarını pozmaq", əsasən "Azerfon" mobil rabitə istifadəçilərinin şəxsi məlumatlarını yaymaq kimi uydurma ittihamla həbs olunub.
Bundan əlavə o, vəzifəli şəxslərə qarşı sui-istifadələrdə ittiham olunub. 2017-ci il iyunun 16-da F.Əhmədli 4 il azadlıqdan məhrum edilib. Avqustun 17-də Apellyasiya Məhkəməsi onun barəsində hökmü qüvvədə saxlayıb. F.Əhmədli siyasi məhbus kimi tanınıb.-05B06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz