![Polad Aslanov.](https://turan.az/resized/750/500/resize/media/2021/main/122700042846.jpg)
Polad Aslanov.
Həbsdə olan jurnalist tibb məntəqəsinə yerləşdirilib
Bakı/27.12.21/Turan: Həbsdə olan jurnalist Polad Aslanov cəzaçəkmə müəssisəsinin nəzdindəki tibb məntəqəsinə yerləşdirilib. Bu barədə jurnalistin xanımı Gülmirə Aslanova "Amerikanın səsi"nə bildirib.
Onun sözlərinə görə, Polad Aslanovda əsəb pozuntusu yaranıb, yuxusu pozulub: “O, son vaxtlar əsəb gərginliyindən, yuxusunun pozulmasından şikayət edirdi. Bir ay əvvəl ona sakitləşdirici həb və vitaminlər təyin olunub. Amma müalicə nəticə verməyib. Poladı bu günlərdə nevropatoloq müayinə edib. Həkim deyib ki, ya 1 saylı cəzaçəkmə müəssisəsinin tibb məntəqəsinə köçürülməli, ya da Penitensiar Xidmətin müalicə müəssisəsinə göndərilməlidir".
Əsəb sistemində problemlərin yaranmasının səbəbinə gəlincə, Gülmirə Aslanova bunu saxlanma şəraitinin pis olması ilə izah edib.
Onun sözlərinə görə, cəzaçəkmə müəssisəsində 1000 məhbus saxlanılır və orada yemək bişirmək üçün cəmi üç plitə var.
“Bundan başqa, administrasiya Polad Aslanova əfv ərizəsi yazması üçün təzyiqlər göstərir”, - Aslaniova qeyd edib.
Öz növbəsində, Penitensiar Xidmətin ictimaiyyətlə əlaqələr şöbəsindən "Amerikanın səsi"nə bildiriblər ki, bütün cəzaçəkmə müəssisələrində tibbi-sanitar məntəqələr fəaliyyət göstərir, yüksək peşəkarlıq səviyyəsinə malik həkimlər çalışır. Tibb məntəqələri zəruri tibbi avadanlıqlarla və dərman preparatları ilə təchiz edilib.
"Məhbusların müalicəsi həkim təyinatı əsasında həyata keçirilir", - şöbədən bildiriblər.
Penitensiar Xidmət jurnalistə təzyiqlərin olması barədə fikri isə təkzib edib və əssassız adlandırıb.
Xeberman.com saytının redaktoru Polad Aslanov 2019-cu il noyabrın 16-da İranın xeyrinə dövlətə xəyanət ittihamı ilə 16 il müddətinə azadlıqdan məhrum edilib.
"Sərhədsiz reportyorlar" təşkilatı və digər hüquq müdafiə qurumları Azərbaycan hakimiyyətini jurnalsiti azad etməyə çağırıblar.-03-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz