Həbsdə olan jurnalist Pərviz Həşimlinin vəkili Elçin Sadıqov ötən gün MTN-in təcridxanasında saxlanılan jurnalistin yanına buraxılmayıb. Bu barədə Turan-a E.Sadıqov özü məlumat verib. Vəkilin sözlərinə görə, ona bildirilib ki, P.Həşimlini müstəntiqin yanına aparıblar.
Vəkil müstəntiqlə görüş istədikdə onu buraxmayıblar. E.Sadıqov həbsdə olan şəxsin vəkilsiz dindirilməsinin qanunsuz olduğunu bildirib.
P.Həşimlinin vəkilin iştirakı olmadan dindirilməsi belə şübhə yaradır ki, həbsdə olandan lazımi ifadə almaq üçün ona işgəncə verilir.
Xatırladaq ki, “Bizim yol” qəzetinin əməkdaşı, moderator.az saytının rəhbəri, Siyasi və Mülki Hüquqların Müdafiəsi Mərkəzinin rəhbəri Pərviz Həşimli sentyabrın 17-də qaçaqmalçılıqda, qanunsuz narkotik maddə saxlamaqda və silah alverində ittiham olunaraq həbs edilib.
Jurnalist ittihamları əsassız sayaraq onların siyasi motivli olduğunu bildirir. P.Həşimlinin doğmaları bildiriblər ki, həbsdən öncə xüsusi xidmət orqanları P.Həşimlinin TV-də AXCP lideri Əli Kərimlinin əleyhinə çıxış etməsi üçün ona təzyiq göstəriblər.—06D--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz