“DəmirBank” ASC müştəri xidməti keyfiyyətinin artırılması, müştəri şikayətlərinin və sorğularının daha səmərəli araşdırılması məqsədilə müştərilər üçün qəbul saatları təyin edib.
Müştərilər həftənin çərşənbə axşamı və cümə axşamı günləri saat 15:00-dan 17:00-dək Bankın baş ofisinə - Keyfiyyətə Nəzarət şöbəsinə yaxınlaşa bilərlər. Bunun üçün əvvəlcədən telefon və ya e-mail vasitəsi ilə qeydiyyatdan keçmək zəruridir. Qeyd edək ki, qəbul saatları ilə bağlı DəmirBank-ın korporativ internet saytında, Facebook və Twitter sosial şəbəkələrində məlumat yerləşdirilib. Qəbul saatları ilə bağlı müştəri (012) 149 nömrəsi və ya shikayet@demirbank.az e-mail-ı ilə qeydiyyatdan keçib, qəbula yazıla bilərlər.
DəmirBankın prioritet vəzifələrindən biri müştəri xidməti keyfiyyətinin artırılmasıdır. Bu sahədə son illərdə filial əməkdaşları üçün müxtəlif təlimlər keçirilib, filiallar geniş və rahat ofislərə köçürülüb, Q-Matic elektron növbə sistemi tətbiq edilib, “Gizli müştəri” araşdırmaları və bir çox digər işlər həyata keçirilib. Bank müştəri xidmətinin yaxşılaşdırılması istiqamətində görülən işləri davam etdirir.
Ölkənin ilk kommersiya bankı olan DəmirBank 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir. DəmirBank Fitch Ratings və Planet Rating agentliklərinin “stabil” proqnozlu “B” reytinqlərinə malikdir. Bu reytinqlər ölkənin bank sektorunda yüksək reytinqlər sırasındadır. —15D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz