![Həbsdən bir həftə ötməsinə baxmayaraq, saxlanılan şəxs barəsində heç bir məlumat yoxdur](https://turan.az/resized/media/2015/main/072900124604-750-500-resize.webp)
Həbsdən bir həftə ötməsinə baxmayaraq, saxlanılan şəxs barəsində heç bir məlumat yoxdur
Təxminən bir həftə əvvəl həbs edilmiş Nazim Ağabəyovun taleyi naməlum olaraq qalır.
Gənc narkotik saxlamaqda ittiham olunub və DİN-in narkobiznesə qarşı mübarizə idarəsinin əməkdaşları tərəfindən saxlanılıb. Gəncin doğmaları bildiriblər ki, onu heroin saxlamaqda ittiham edib, iş yerindən tutub aparıblar.
Həmin vaxtdan etibarən internet texnologiyaları sahəsində mütəxəssis olan bu gənc haqqında məlumat yoxdur.
Doğmaları onun harada olduğunu bilmədiklərini və rəsmi məlumat almadıqlarını deyirlər.
Nazimin bacısının həyat yoldaşı - məşhur bloger, Berlində fəaliyyət göstərən “Meydan TV” onlayn-resursun rəhbəri Emin Milli əmindir ki, hakimiyyət Nazimi “Meydan TV” tərəfindən hakimiyyətin ünvanına tənqidlərə görə qisas olaraq həbs edib.
Bu, “Meydan TV”ni şantaj etmək və hakimiyyətin qanunsuzluqlarını ifşa etməkdən əl çəkməyə məcbur etmək üçün edilib, Milli belə hesab edir.
Turan-ın DİN-dən Nazim Ağabəyovun saxlanılmasının səbəbləri, onun saxlanıldığı yer və cinayət işi açılıb-açılmaması haqqında suala cavab almaq cəhdləri nəticə vermir. DİN nümayəndələri bunun sıradan bir məsələ olmadığına və jurnalistlərin nədən söhbət getdiyini “anlaya biləcəyinə” işarə edərək, dərin məna ilə “xüsusi haldan” bəhs edirlər. -02В-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz