Türkiyə hakimiyyəti bu gün ölkənin cənub-şərqində neft boru kəmərində baş vermiş güclü partlayışın nəticələrini aradan qaldırır, xəbəri “Azadlıq” radiosu yayıb.
Partlayış sərhəd Şırnak əyalətində Kərkük-Yumurtalık neft kəmərində baş verib. Bu boru kəməri ilə Şimali İraqdan Türkiyəyə neft daxil olur. Hadisə yerinə yanğınsöndürənlər və xilasedicilər gəlib, onlar baş vermiş güclü yanğını lokallaşdırmağa və neftin axmasının qarşısını almağa müvəffəq olublar.
Hələlik heç kim partlayışa görə məsuliyyəti üzərinə götürməyib. Lakin Türkiyənin energetika naziri Taner Yıldız hesab edir ki, bu, kürd separatçılarının diversiyasıdır. “Separatçı terror təşkilatı ölkədə sabitliyin və milli təhlükəsizliyin pozulmasını hədəfə alıb”, deyə nazir bildirib.
Bir müddət əvvəl Türkiyənin İranla sərhəddə yerləşən Ağrı əyalətində Türkiyə-İran qaz kəməri partladılıb. Türkiyə hakimiyyəti bunun da kürd separatçıların işi olduğunu bildirib.
Kürdlərlə sülh ötən həftə Türkiyə aviasiyasının İraqın şimalında Kürdistan İşçi Partiyasının yeddi düşərgəsini bombardman etməsindən sonra pozulub.
Kürdlərin liderləri dəfələrlə strateji Bakı-Ceyhan neft kəmərini partlatmaqla hədələyiblər. Bir dəfə - 2008-ci ilin avqustunda Rusiyanın Gürcüstana qarşı təcavüznün başlamasından bir gün əvvəl onlar buna müvəffəq olub.
Kürdlərin bazalarına aviazərbələrin, onların fəallarının kütləvi həbsinin və ABŞ-ın bu əməliyyatda iştirakının davam etməsi fonunda Bakı-Ceyhan üçün təhlükə həddindən artıq ciddi şəkil alır. -02D-
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz